ԲՀԿ-ի քաղաքական մրցակիցները հուսահատությունից անցել են ստոր միջոցների
ՀԱՍԱՐԱԿՈՒԹՅՈՒՆ
Վարդուհի Մազմանյանը ֆեյսբուքյան իր էջում գրում է.
Հարգելի ընթերցող, Հայաստանում քարոզարշավը շարունակվում է, և այն լի է անակնկալներով բազնաթիվ մարդկանց համար: ԲՀԿ-ն վստահ քարոզարշավ է իրականացնում ինչը տեսանելի է բազմահազարանոց հանրահավաքներով, սակայն որոշ մարդկանց, կամ քաղաքական ուժերի համար դա ցանկալի չէ, և նրանք սկսել են օգտագործել ծախու լրատվամիջոցները Գագիկ Ծառուկյանի համար խնդիրներ ստեղծելու համար :
Խոսքս վերաբերում է « Mamul.am » - ի այն հրապարակմանը որտեղ խոսվում է այն մասին, թե իբր Գագիկ Ծառուկյանը ֆինանսական խնդիրներ ունի կապված մայնինգ ֆերմայի հետ և ներդրումները չեն արդարացնում սպասելիքները, այսպիսով Գագիկ Ծառուկյանին մեղադրելով սխալ ներդրումային քաղաքականություն իրականացնելու մեջ : Ինչպես նաև ակտիվորեն փորձ է արվում արտահայտությունները ենթատեքստից հանելով, բաց թողումներ և խոսքի մեջ վրիպակներ գտնելով արժեզրկել ելույթի բուն էությունը: Բոլորի համար պարզ է, որ Գագիկ Ծառուկյանի իր ելույթներում խոսում է ժողովրդի համար առաջնային խնդիրներից որոնք հրատապ լուծման կարիք ունեն: Նրա հանդեպ ժողովրդի ունեցած հավատը և վստահությունը պայմանավորված է խոսքը գործ դարձնելու օրինաչափությամբ, և տնտեսական ոլորտում Գագիկ Ծառուկյանի ունեցած հսկայական հաջողություններով, ինչը ապացույցն է այն բանի որ Գագիկ Ծառուկյանը տնտեսական ոլորտի գիտակ է:
«Մամուլ.am» կայքում հրապարակված կեղծ հոդվածի հիմնական նպատակն է կարծիք ստեղծել որ Գագիկ Ծառուկյանը կորցրել է իր ներդրումային քաղաքականությանն առնչվող հոտառությունը և պետք չէ նրան վստահել Հայաստանի տնտեսական ապագան:« Mamul.am » - ը ապատեղեկատվություն տարածող հիմնական լրատվականներից է, և հանուն գումարի պատրաստ է հրապարակել ցանկացած կեղծ լուր: Բազմաթիվ քաղաքական գործիչներ իրենց ելույթներում օգտագործում են միջազգային տերմիններ, հասկացություններ որոնք իրենք երբևէ չեն կիրառել պրակտիկ կյանքում և ծանոթ են միայն գրքերից, սակայն իրական կյանքում ամենակարևորը փորձն է, իսկ հասարակ ժողովուրդի հետ պետք է խոսել ժողովրդին մատչելի բառապաշարով և շեշտադրությամբ: Հոդվածի հեղինակները հաշվի չեն առել մեկ կարևոր հանգամանք, Հայաստանը չափազանց փոքր երկիր է, և եթե սուտը ընդհանրապես ապրում է 40 օր ապա Հայաստանում 40 վարկյան, և նմանատիպ էժան հնարքները երբևիցե չեն կարող մթագնել Գագիկ Ծառուկյանի կամ այլ արժանի մարդու տարիների աշխատանքի արդյունքում ձեռք բերած հեղինակությունը և բարի համբավը:
