Գագիկ Ծառուկյանն իր գործունեության շրջանակներում միշտ առանձնահատուկ տեղ է հատկացրել Արցախին Գագիկ Ծառուկյանն իր գործունեության շրջանակներում միշտ առանձնահատուկ տեղ է հատկացրել Արցախին
ՀԱՍԱՐԱԿՈՒԹՅՈՒՆ
Յուրաքանչյուր հայի համար Արցախի մասին խոսելը մի տեսակ դեպի սեփական արմատների ու հողի յուրահատուկ վերադարձ է հիշեցնում:
Գրեթե բոլորիս մոտ պատմական Արցախն ունի կարևոր նշանակություն, և սրտի անկյունում փորձում ենք օգնել ու շենացնել մեր հարազատ «կրտսեր եղբորը»: ՀՀ այն քաղաքական ուժերը, որոնք ունեն հայակենտրոն և հայրենիքի շենացման իսկական ծրագիր, առանձին դրույթներով խոսում են նաև Արցախի հարցի կարգավորման և Արցախի զարգացմանը նպաստելու իրենց տեսլականը:
Լինելով հայրենասեր մարդ ու ժողովրդի մասին հոգացող գործիչ՝ Գագիկ Ծառուկյանը ևս անմասն չի մնացել և մնում արցախաշինության սուրբ գործում: Պատահական չէ, որ այս նախընտրական պայքարում իր ելույթներում շեշտադրումներ է անում նաև արցախահայության խնդիրների մասին, և Արցախի շուրջ իր մոտեցումներն ու տեսլականի ներկայացումը հայ հանրությանը:
Նախօրեին, Եղեգնաձորում, Ծառուկյանն իր ելույթում նշել է, որ Արցախի հարցը հիմնականում լուծված է. այն միայն միջազգային ճանաչման խնդիր ունի, որպեսզի Արցախի նախագահին ոչ միայն մի քանի երկիր ընդունի, այլ ողջ աշխարհը ճանաչի:
Արցախի խնդրի կարգավորման մասին ԲՀԿ նախընտրական ծրագրում շեշտված է, որ Լեռնային Ղարաբաղի հակամարտության կարգավորման գործընթացի վերջնական նպատակը Արցախի Հանրապետության միջազգային ճանաչումն է: Ղարաբաղյան հիմնախնդիրը պետք է հանգուցալուծվի խաղաղ, բանակցային ճանապարհով՝ փոխհամաձայնության հիման վրա: Առանց Արցախի մասնակցության՝ նրա ճակատագիրը չի կարող որոշվել: Պետք է առաջիկա երկու տարիների ընթացքում կտրուկ ավելացնել ՀՀ և ԱՀ առևտրաշրջանառության ծավալները, բոլոր ուղղություններով ընդլայնել փոխադարձ տնտեսական ինտեգրացման գործընթացը:
Ծառուկյանն իր գործունեության շրջանակներում միշտ առանձնահատուկ տեղ է հատկացրել Արցախի զարգացմանն ու մշտական աջակցություն ցուցաբերել մեր երկրորդ հայրենիքի վերակառուցման գործին:
