ՀՀԿ-ն պատրաստ է անցնել ցանկացած սահման՝ սեփական քաղաքական շահը գերադասելու համար
ՀԱՍԱՐԱԿՈՒԹՅՈՒՆ
Հասմիկ Աղաջանյանը ֆեյսբուքյան իր էջում գրում է.
Կաթողիկոսին պետական պահպանություն տրամադրելու նախագիծը երեկ Ազգային Ժողովում չընդունվեց։Իսկ այդ նախագիծը խորհրդարան էին բերել ՀՀԿ-ական մի քանի պատգամավորներ։Դե կարծում եմ պարզից էլ պարզ է, որ վերոնշյալ քաղաքական ուժի ցանկությամբ անցած 20 տարիների ընթացքում այս նախագիծը առանց որևէ բարդությունների կարող էր ընդունվել։Սակայն հաշվի չառնելով նույնիսկ այն, որ նախագիծը հստակ համակարգված չէր ,այս ամենը արդեն իսկ անտրամաբանական էր կառավարության այն հայտարարությունից հետո, ըստ որի կաթողիկոսը բարձրաստիճան պաշտոնյա չէ, և անհրաժեշտության դեպքում կառավարությունը նրան կարող է հատկացնել պահանջվող պաշտպանություն։
Սակայն որոշ ֆեյսբուքյան ֆեյք օգտատերեր և ուղղորդված լրատվականներ, երեկվանից իրենց հայտարարություններով և հրապարակումներով փորձում են նախագծի չընդունումը և ողջ «պատասխանատվությունը» բարդել «Ծառուկյան դաշինքի» ուսերին, հայտարարելով թե իբր վերջինս դեմ է Հայ առաքելական եկեղեցուն և նրա առաջնորդի պաշտպանությանը։Քրիստոնեության բարոյական արժեքները անկասկած վեր են ամեն ինչից և այս հարցում ԲՀԿ-ի դիրքորոշումը պարզ է ողջ հանրությանը իր և կուսակցության առաջնորդ՝ Գագիկ Ծառուկյանի գործունեության շնորհիվ, քանզի այսքան ժամանակ այս քաղաքական ուժի կողմից երբևիցէ ականատես չենք եղել այնպիսի մի գործընթացի, որը դեմ է եղել Առաքելական Եկեղեցու սկզբունքներին։Կարծում բոլորիս շատ լավ հայտնի է, որ ԼԳԲՏ համայնքի կողմից կազմակերպված ֆորումի չեղարկման գործում նաև մեծ դեր և նշանակություն ունեին հենց այս դաշինքի պատգամավորները և շարմազանովյան վայնասունը համեմված ԼԳԲՏ մելիզմներով, հոդս է ցնդում այս դեպքում ևս։Եվ այս ամենը լավ իմանալուց հետո ինչ է մնում անել, եթե ոչ ենթադրել, որ նման ամպագորգոռ հայտարարությունների իրական պատճառը, արտահերթ խորհդարանական ընտրություններն են, ինչի կապակցությամբ էլ ՀՀԿ-ականները կազմակերպել էին այս չստացված թատրոնը, որը դիվիդենտ ապահովելու փոխարեն կրկին անգամ հանրության աչքերում ՀՀԿ-ի իրական դեմքը ցույց տվեց: Այո հարգելիներս, ՀՀԿ-ն պատրաստ է անցնել ցանկացած սահման՝ սեփական քաղաքական շահը գերադասելու համար:
