Mamul.am-ի հերթական բլեֆն ընդամենը ճղճիմ ու էժանագին վրեժխնդրություն է

Մանե Առաքելյանը ֆեյսբուքյան իր էջում գրում է.

Ոչ մեկի համար գաղտնիք չէ, որ մեդիա ոլորտը Հայաստանում, մեղմ ասած, կայացած չէ: Սակայն եթե կան որոշ լրատվականեր, որոնք փորձում են տարիների փորձառության հետ կատարելագործվել, կայուն ինֆորմացիոն դաշտ ապահովել, ապա նման ԶԼՄ-ների կողքին շարունակում է իր ողորմելի գոյությունը քարշ տալ Mamul.am լրատվականակերպ տեղեկատվական աղբանոցը: Քանի տարի է ինչ գոյություն ունի այս հարթակը, և քանի տարի է, որ այն չի կարողանում կամ պարզապես չի ցանկանում իրականացնել լրատվականի օբյեկտիվ գործառույթները: Չէ՞ որ այդպես ավելի հեշտ է գումար վաստակել՝ պատվերով ցեխ շպրտելով: Ինչ-որ պահից սկսած թափթփուկների այս որջը սկսեց թիրախավորել Գագիկ Ծառուկյանին՝ հոդվածների վերջում հպարտորեն ավելացնելով, թե գաղտի ինֆորմացիա ունեցողները կարող են դիմել մեզ: Ամենազարմանալին այն է, որ գտնվեցին նաև առեղծվածային, աննյութական, անկերպար արարածեր, ովքեր իբրև թե դիմել են Mamul.am -ին՝ հայտնելով ինչ-որ ինֆորմացիա: Նախ, գիտակից որևէ անձնավորություն, եթե իհարկե տիրապետում է գաղտնի ինֆորմացիայի, դիմում է Ոստիկանություն, այլ ոչ թե վարկաբեկված ճ-դասի լրատվականի, որը բացի իր համար դիտումներ և աղմուկ ապահովելուց, ուրիշ ոչնով չի կարող օգնել:
Այս լրատվականը պարզապես ստիպեց Գագիկ Ծառուկյանի մամուլի խոսնակ Իվետա Տոնոյանին հայտարարել, որ իրենք դատի են տվել Mamul.am-ին՝ հեղինակությունը վարկաբեկող սուտ տեղեկատվություն տարածելու համար: Եվ, իհարկե, տեղին են վարվել: Քանզի սա կլինի այն հազվադեպ դեպքերից, երբ ԶԼՄ-ին պատասխանատվության կենթարկեն ընթերցողներին մոլորության մեջ գցելու համար: 
Հասկանալով, ո այլևս հետդարձի ճանապարհ պարզապես չկա, Mamul.am-ը շարունակում է իր տխրահռչակ ապատեղեկատվական շարքը՝ հայտարարելով, որ Ծառուկյանին պատկանող գազալցակայանի աշխատակիցներին առանց համապատասխան վարձատրության ստիպել են աշխատել նրա որդու տան շինարարությունում:
Նախ, եթե նման դեպք արձանագրված լիներ, ապա այդ մարդիկ հաստատ չէին սպասելու այս լրատվականի կոչին, որպեսզի խոսեն, և երկրորդ, այդ դեպքերում դիմում են Ոստիկանություն, և ոչ թե Mamul.am, որը, ինչպես արդեն նշեցի, ոչնչով չի կարող օգնել նրանց, քանզի շուտով ինքն է պատասխանատվության առջև կանգնելու:
Մոռացա նշել, որ մի քանի ամիս առաջ այս կայքի խմբագիրը լրատվականի ծառայություններն էր առաջարկել Գագիկ Ծառուկյանին, որից վերջինս, իհարկե, հրաժարվել էր: Մանր, էժանագին վրեժխնդրությու՞ն: Թերևս: