Ծառուկյանի շնորհիվ ՀՀ աշխատանքային շուկան կունենա նոր մասնագետների պահանջարկ

Աննա Գրիգորյանը ֆեյսբուքյան իր էջում գրում է.

Հոկտեմբերի 18-ին տեղի ունեցավ աշխարհում ամենամեծ մայնինգ ֆերմայի բացումը։ Բացման հանդիսավոր արարողությանը ներկա էին ԲՀԿ-ի նախագահ Գագիկ Ծառուկյանը, ՀՀ վարչապետի պաշտոնակատար Նիկոլ Փաշինյանը և մի շարք այլ հեղինակավոր անձինք։
Այս քայլով ՀՀ տնտեսությունը թևակոխեց մի նոր փուլ, զարկ տրվեց տեղեկատվական տեխնոլոգիաների ոլորտին, և Հայաստանը աշխարհին ավելի ճանաչելի դարձավ։
Գագիկ Ծառուկյանի այս նախաձեռնության մասին իմանալով մոտ 40 օտարերկրյա գործարարներ են ներդրումներ կատարել ու դրա արդյունքը արդեն ակնհայտ է։ 
Մայնինգ ֆերնայի բացմանը՝ կառավարության անդամների մասնակցությունը վկայում է այն մասին, որ այս նախագիծը մեծ կարևորություն ունի, ու դրա հաջողության հետ է կապվում Հայաստանում ՏՏ ոլորտի զարգացումը։
Իր խոսքում Գագիկ Ծառուկյանը նշեց, որ հաջորդ տարի նախատեսվում է տեքստիլ քաղաքի կառուցումը, սա հսկայածավալ նախագիծ է, որի համար պահանջվում է 1 մլրդ․ԱՄՆ դոլար ներդրում։ Հաջորդ խոշոր ծրագիրը կապված է երկաթի վերամշակման գործարանի կառուցման հետ։
ՀՀ-ում հետզհետե ավելանում է ներդրումների չափը, ինչի արդյունքում էլ ավելանում է գործարանների թիվը։ Սրա հետևանքով կավելանան բազմաթիվ աշխատատեղեր, օտար երկրներում ժամանակավոր բնակություն հաստատած մեր հայրենակիցները կվերադառնան հայրենիք՝ վստահ լինելով, որ այստեղ նույնքան լավ վարձատրվող, բայց ավելի լավ աշխատանք կա։ Աշխատանքի շուկայում նոր մասնագիտությունների տեր մարդիկ կհայտնվեն, ինչը հայկական բուհերի մեջ բազմազանություն կմցնի, այն իմաստով, որ բացի տնտեսագետներից ու իրավաբաններից աշխատանքային շուկան կունենա ՏՏ ոլորտի, տեքստիլ արդյունաբերության, արևային պանելնորի արտադրության մասնագետների պահանջարկ։
Մայնինգ ֆերմայի բացումը նոր Հայաստանի պատմության մեջ առաջին ռեալ քայլն էր, որը ուղղված է, ՀՀ տնտեսության զարգացմանը, ներդրումների ներգրավմանը, նոր աշխատատեղերի բացմանը։