Ամբոխահաճո գործեալոճը շատ վատ անդրադարձ կունենա Լենա Նազարյանի քաղաքական կարիերայի վրա

Անահիտ Սողոմոնյանն իր ֆեյսբուքյան էջում գրում է.

Հեղափոխությունը իրականացնում է ժողովուրդը, այլ ոչ թե անհատները: Անհատը չի կարող իրականացնել հեղափոխություն, երբ նրա թիկունքում կանգնած չէ ժողովուրդը: Ուղղակի անհատը կարող է լինել այն առաջատարը, որը կարող է ուղղել ժողովրդին մեկ ընդհանուր միասնական և ազգապահպան գաղափարի շուրջ կոնսոլիդանալու համար, ներկայացնել այնպիսի համակարգային մոտեցումներ, որոնք առավել մոտ են հասարակության պահանջմունքներին, բողոքի այն համակարգից՝ որից դժգոհ է մի ամբողջ հասարակություն: Օգտվելով այս հանգամանքներից, որոշակի խումբ կարող է իրականացնել հեղափոխություն, հեղաշրջում կամ նմանատիպ այլ երևույթ, բայց կրկնում եմ, միայն ժողովրդի աջակցության դեպքում:
Ուստի անհասկանալի է մնում տիկին Նազարյանի, նույն ինքը Ազգային ժողովի պատգամավոր Լենա Նազարյանի հայտարարությունները, թե իրենք են իրականացրել հեղափոխությունը: Այսպսիսի հայտարարությունները ուղակիորեն անթույլատրելի են օրենսդիր իշխանությունը ներկայացնող ներկայացուցչի կողմից: Հասկանում եմ, կուրացել եք իշխանության տենչով, բայց մի նվաստացրեք մարդկանց ձեռքբերումները, շնորհելով ամբողջ հաղթանակի արդյունքը մի խումբ մարդկանց: Այդ դեպքում դուք ինչու եք հերքում մյուս մարդկանց ներդրումը հեղափոխության հաղթանակում:
Տիկին Նազարյան դուք հուսով եմ հիշողության հետ խնդիրներ չունեք և չեք մոռացել, որ, նաև քաղաքականապես շարժմանը մեծ աջակցություն է ցուցաբերել Ծառուկյան դաշինքը: Հուսով եմ չեք մոռացել, որ շարժման օրերին անձամբ Գագիկ Ծառուկյանը ու Նիկոլ Փաշինյանը հանդիպել են ու հանդիպումից հետո կարևոր ձեռքբերումներ են եղել: Չեք էլ մոռանում չէ, որ վարչապետի ընտրության ժամանակ Ծառուկյան դաշինքը երկու անգամ էլ քվեարկել է վարչապետ Փաշինյանի թեկնածության օգտին: Եթե չեք մոռացել, ապա ինչո՞ւ եք սկսել անհիմն հայտարարություններ անել: 
Ավելի լավ կլիներ ձեր այս անհիմն ու անտեղի հայտարարությունները դադարեցնեիք ու ձեր ուժերը ուղղեիք ձեր թերությունները վերացնելուն: Գիտեք որքան տհաճ է ձեզ լսելը հեռուստատեսությամբ: Համեմատության համար ասեմ. մի օր լսում էի Գալուստ Սահակյանի հարցազրույցը ու այդ օրվանից հետո էլ իրան չեմ լսել: Նմանատիպ մտքերի կատեգորիային է պատկանում նաև վերջերս ձեր կողմից հնչեցվող մտքերը: Վերջացրեք ձեր «ը» տառի համերգը, մի կողմ դրեք ամբիցիաներն ու ղեկավարվեք սթափ դատողություններով, ամբոխահաճո գործելաոճը նման երիտասարդ տարիքում, շատ վատ կերպով կարող է անդրադառնալ Ձեր քաղաքական կարիերայի վրա, այնպես որ թացը մի խառնեք չորին, իսկ ստեղծված իրավիճակում էլ, մի փորձեք մարդկաց արածները թերարժևորել, դա չի ստացվի, մի ամբողջ ժողովուրդ է դրանց վկա, խեղաթյուրել իրականությունն անհնար է: