Ծառուկյանի հարցազրույցից հետո, ԲՀԿ-ի դեմ հակահասարակական տրամադրություններ հրահրելու նպատակով փչած փուչիկը պայթեց

Դավիթ Հայրապետյանը ֆեյսբուքյան իր էջում գրում է.

 

Իհարկե հայկական քաղաքական դաշտը գտնվում է այն փուլում, երբ մեկ քաղաքական ուժը փորձում է առավելության հասնել մյուսի նկատմամբ: Ու այս բարդ շրջանում քիչ չեն նաև ապատեղեկատվության տարածումը և դեզինֆորմացիան: Ներկայումս հասարակությունը գտնվում է էֆորիայի մեջ ու չպետք է այդ էֆորիան ուղղել մի այնպիսի ճանապարհով, որում կրկին կկանգնենք նույն խնդիրների առջև, որոնք եղել են: Հեղափոխությունը եղել է և դա փաստ է: Բայց այդ հեղափոխության արդյունքները պետք է ճիշտ օգտագործել այլ ոչ թե թողենք նույն համակարգային մոտեցումները: Պետք է կատարել համակարգային փոփոխություններ ու այդ համակարգային փոփոխությունների արդյունքը կլինի ոչ նախկին իրավիճակը, այլ Նոր Հայաստան, որին ձգտում ենք բոլորս: Ու այս ամենի ֆոնի վրա փորձում էին ինչ որ ապատեղեկատվություն տարածել ԲՀԿ-ի վերաբերյալ: Վերջինս միակ քաղաքական ուժն է, որը կայունություն է մտցնում քաղաքական դաշտում: ԲՀԿ-ի ղեկավար Գագիկ Ծառուկյանն էլ վերջերս հարցազրույց տվեց, որով հստակություն մտցրեց քաղաքական գործընթացներում: ԲՀԿ-ն միշտ Գագիկ Ծառուկյանի գլխավորությամբ ներկայացրել է ժողովրդի շահերը ու միշտ քայլեր է ձեռնարկել ժողովրդի կենսապայմանները լավացնելու: Վառ ու ամենաթարմ օրինակը խաղողագործների խնդրանքին ընդառաջելն էր, երբ որոշում կայացվեց բարձրացնել մթերման գինը, չնայած դրանից ֆինանսական կորուստներ էր ուենալու հենց Ծառուկյանը, ով միշտ էլ առանձնացել է ազգապահպանման գործելաոճով և մտածել պետության և պետական շահի մասին: Վերջերս էլ ընդունված օրինագծով որևիցէ քայլ չկար, որով մերժվում էր ժողովրդի կամքը: Խորհրդարանը կատարել է իրա պարտականությունները և ընդունված օրինագիծը չի հերքում ժողովրդի կամքը: Արտահերթ ընտրությունների վերաբերյալ ԲՀԿ-ի դիրքորոշումը առավել քան հստակ է, դրանք պետք է անցկացվեն: Ուղղակի դրանք պետք է անցկացվեն համապատասխան փոփոխություններ կատարելուց հետո, որն իմիջայլոց հստակ ամրագրված է Կառավարության ծրագրում: Եվ հիմա ըստ էության, Ծառուկյանի հարցազրույցից հետո, ԲՀԿ-ի դեմ, հակահասարակական տրամադրություններ հրահրելու նպատակով փչած փուչիկը պայթեց ու ակնհայտ դարձավ, որ ԲՀԿ-ի անվան շուրջ արհեստական կերպով ձևավորած հակահասարակական խոսակցություններն այլևս կենսունակ չեն, քանի որ փաստվեց հակառակը՝ ԲՀԿ-ն երբեք դեմ չի գնացել ժողովրդի կամքին և այս անգամ ևս կառաջնորդվի նրանց կամքով: