Ինդոնեզիայում ավելի քան հազար մարդ կարող Է գետնի տակ գտնվել ցունամիից հետո. «Ֆրանսպրես»
ՄԻՋԱԶԳԱՅԻՆԻնդոնեզիայում ավելի քան հազար մարդ կարող Է անհայտ կորած համարվել Սուլավեսի կղզում տեղի ունեցած երկրաշարժից ու ցունամիից հետո: Այդ մասին, ինչպես տեղեկացնում Է «Արմենպրես»-ը, հայտնել Է «Ֆրանսպրես» գործակալությունը՝ հղում անելով Տարերային աղետների հետեւանքների վերացման ազգային վարչությանը (BNPB):
Ավելի վաղ վարչությունը հայտնել Էր, որ Ինդոնեզիայում երկրաշարժի եւ ցունամիի զոհերի թիվը հասել Է 1558-ի, տուժել Է ավելի քան 2,5 հազար մարդ, 113 հոգի անհետ կորել Է: «Մեր գնահատումների համաձայն՝ գետնի տակ կարող են գտնվել հազարից ավելի տներ, այսինքն՝ հնարավոր Է, որ հազարից ավելի մարդիկ դեռեւս կարղ են անհայտ կորած լինել»,- գործակալությանը հայտնել Է վարչության ներայացուցիչ Յուսուֆ Լատիֆը: Սեպտեմբերի 28-ին Ինդոնեզիայի Կենտրոնական Սուլավեսի նահանգում տեղի Է ունեցել 7,4 մագնիտուդով երկրաշարժ, գրեթե երկու օրվա ընթացքում գրանցվել են հարյուրավոր հետցնցումներ:
Ստորգետնյա ուժգին ցնցումները ցունամիի առաջացման պատճառ են դարձել, որի ժամանակ ալիքների բարձրությունը հասել Է երեք-հինգ մետրի: Իրենց տները հարկադրված լքել են առնվազն 60 հազար տեղի բնակիչներ, ավերված են հազարավոր տներ, հյուրանոցներ, առեւտրական կենտրոններ: ՄԱԿ-ի տվյալներով՝ տեղի ավելի քան 200 հազար բնակիչներ շտապ օգնության կարիք ունեն: Ինդոնեզիայի նախագահ Ջոկո Վիդոդոն ընդգծել Է «տարածքների ամբողջական հետազոտման եւ Սուլավեսիի նահանգի տուժած շրջաններում բոլոր զոհերի հայտնաբերման անհրաժեշտությունը», հաղորդել Է ՌԻԱ Նովոստին:
