Զոհրաբ Մնացականյանը հանդիպել է Քուվեյթի ԱԳ նախարարի հետ

Սեպտեմբերի 27-ին ՄԱԿ-ի Գլխավոր ասամբլեայի 73-րդ նստաշրջանի շրջանակներում տեղի ունեցավ Հայաստանի և Քուվեյթի արտգործնախարարներ Զոհրաբ Մնացականյանի և Սաբահ Ալ-Խալիդ Ալ Սաբահի հանդիպումը:

Ինչպես «Արմենպրես»-ին տեղեկացրին ոստիկանության լրատվության և հասարակայնության հետ կապերի բաժնից,  նախարարները նշեցին, որ այս տարի լրանում է Հայաստանի և Քուվեյթի միջև դիվանագիտական հարաբերությունների հաստատման 25-ամյակը, ինչը լավ հնարավորություն է ամփոփելու անցած ճանապարհը և ուղենշելու հարաբերությունների հետագա զարգացման համար առկա ներուժի առավել արդյունավետ օգտագործման ուղղությամբ ձեռնարկվելիք քայլերը: Այս համատեքստում արտգործնախարարները կարևորեցին երկու երկրների արտաքին քաղաքական գերատեսչությունների միջև խորհրդակցությունների պարբերական անցկացումը:

Զրուցակիցները հանգամանալից անդրադարձան երկկողմ օրակարգին և բազմակողմ հարթակներում փոխգործակցությանն առնչվող հարցերի լայն շրջանակի, կարևորեցին քաղաքական երկխոսության աշխուժացումը, ինչպես նաև զբոսաշրջության, մշակութային, գիտակրթական, նորարարական ոլորտներում համագործակցության ընդլայնումը և խորացումը՝ այդ թվում միջկառավարական հանձնաժողովի գործունեության ակտիվացման միջոցով:

Հայաստանի և Քուվեյթի արտաքին քաղաքական գերատեսչությունների ղեկավարները բարձր գնահատեցին Քուվեյթի հայ համայնքի դերը որպես երկու բարեկամ երկրներին կապող օղակ:

Հայաստանի և Քուվեյթի արտգործնախարարները քննարկեցին մի շարք միջազգային և տարածաշրջանային հարցեր: Զոհրաբ Մնացականյանը ներկայացրեց Լեռնային Ղարաբաղի հիմնահարցի կարգավորման ջանքերը։

Այս թեմայով Զոհրաբ Մնացականյանը հանդիպել է ՄԱԿ Գլխավոր քարտուղարի Մարդասիրական և արտակարգ օգնության համակարգման հարցերով տեղակալի հետ Հայաստանի և Կամբոջայի ԱԳ նախարարները քննարկել են երկկողմ օրակարգին առնչվող հարցերի լայն շրջանակ Գյուղատնտեսության նախարարը լսել է գյուղացիներին մտահոգող խնդիրները Հայաստանի արտաքին գործերի նախարարը հադնիպել է ՄԱԿ-ի Գլխավոր քարտուղարի տեղակալի հետ Զոհրաբ Մնացականյանը Նյու Յորքում հանդիպել է Կարմիր Խաչի միջազգային կոմիտեի նախագահի հետ