Աշխարհում առաջին հղի տղամարդը որոշել է հեռացնել արգանդը

Աշխարհում առաջին հղի տղամարդը, որը երեխա է կրել եւ ծննդաբերել, որոշել է պլաստիկ վիրաբույժներին խնդրել, որ իրեն հիստերեկտոմիա անեն: Նա հույս ունի, որ իր նոր կինն ինքը երեխա կունենա:

Ամերիկյան Արիզոնայի նահանգի Ֆենիկս քաղաքի բնակիչ Թոմաս Բիտտին աշխարհ է եկել որպես կին, բայց 2003-ին սեռափոխության գործընթաց է սկսել: Թոմասը անհրաժեշտ հորմոններ է ընդունել, սակայն պահպանել է կանացի վերարտադրողական օրգանները, ինչը նրան թույլ է տվել երեք երեխա ունենալ: Բիտտին պատմության մեջ է մտել որպես մոլորակի առաջին հղի տղամարդ, չնայած տեխնիկապես նա դեռ կին էր մնում:

Այժմ 42-ամյա Թոմասը հույս ունի, որ իր նոր կինը, որին Էմբեր են կոչում, իրեն 4-րդ երեխային կնվիրի: Առաջին երեքն աշխարհ են եկել, երբ Թոմասն ամուսնացած էր Նենսի անունով կնոջ հետ, բայց որոշ ժամանակ առաջ ամուսինները բաժանվել են եւ հղի տղամարդը այս տարվա փետրվարին երկրորդ անգամ ամուսնացել է: Դրանից հետո Թոմասը հայտնել է, որ ինքը եւ Էմբերը շատ են երազում ընդհանուր երեխա ունենալ:

«Ես հիստերեկտոմիա եմ անցնում, իսկ եկող դարի իմ ձվարանները կհեռացնեն, լրագրողներին հայտնել է Թոմաս Բիտտին: Աբդոմինոպլաստիկայի պատճառով ես այլեւս չեմ կարողանա երեխա ունենալ եւ չեմ կարող բնական ծննդաբերության միջով անցնել, որովհետեւ ինձ համար առնանդամ են պատրաստել: Սակայն սերմնահեղուկի բանկում իմ երկու սառեցված սաղմ է պահվում եւ դրանցով մենք կփորձենք ԱՄԲ-ի պրոցեդուրա անել»:

Թոմասը պատմել է, որ իրեն շատ է դուրս գալիս հայր լինելը: Նա անկեղծորեն հույս ունի, որ իր նոր կինը կհղիանա եւ ինքը եւս մի աղջիկ կունենա:

20 տարեկանից հետո Թրեյսի Լագոնդինո անունով աղջիկը սկսել է տեստոստերոն ընդունել, դրա հետեւանքով նրա դեմքին մազեր հայտնվեցին, ձայնը զգալիորեն ավելի ցածր դարձավ, իսկ սեռական օրգանները փոխվեցին: 2003-ին արդեն Թոմաս Բիտտի դառնալով` տրանսգենդերն ամուսնացավ Նենսիի հետ, որը չէր կարող բնական եղանակով երեխաներ ունենալ: Հենց այդ պատճառով Թոմասը հղի տղամարդ դարձավ, որի մասին իմացան ամբողջ աշխարհում:

Որոշ ժամանակ առաջ նա արդեն մաստեկտոմիա է անցել եւ հեռացրել է կրծքագեղձերը, ինչպես նաեւ թերապիա է իրականացրել, որը նրան արտաքինից վերջնականապես տղամարդ է դարձրել: