Հիմա էլ հասարակության գիտակցությունը թունավորում են ֆեյսբուքյան տականքները

Սյունե Խանդիլյանը ֆեյսբուքյան իր էջում գրում է.

Ամեն ժամանակ ծնում է իր տականքներին, հիմա էլ տականքների ֆեյսբուքյան տեսակ է ծնվել։ Անչափ տարածված է դարձել այն երևույթը, որ համացանցում անգամ իրենց սեփական շենքում ճանաչում չունեցողները որոշել են ինքնահաստատվել սոցցանցերի գրառումների, ու որ ամենից վատն է՝ ուղիղ հեռարձակումների միջոցով։ 
Ես ցավով եմ արձանագրում, որ այս ամենը անվերահսկելի է դարձել, երբ մարդկանց ուղեղը կարող են արդուկել հենց ամենից հարթածալք մարդիկ, որոնք կարող են հանրային հարթակ համարվող սոցցանցերից ամենաազատ կերպով , ամենաանթույալտրելի լեքսիկոնով ամենաանտրամաբանական ու անհանդուրժողականություն քարոզող կոչերով հանդես գալ։
Հիմա ի՞նչ կրակն ենք ընկել նման երևույթների առաջ, երբ հատկապես ու մասնավարապես այս մեր երկրի համար կարևոր այս փուլում քաղաքական " վերլուծություններ" են անում հեղափոխության հետ կապ չունեցող ու հենց նույն քաղաքականությունից գաղափար անգամ չունեցող անձինք։
Մեկը չկա սրանց նմաններին հարցնի, ով են եղել իրենք իրենց ամբողջ կյանքի ընթացքում, ինչ են արել, բացի են տան էս սենյակից էն սենյակ գնալը, որ մի հատ էլ մեծ- մեծ բրդում են։
Հարցը նրանում է, որ նման ոչնչություններին ինքնահաստատվելու համար անգամ այսօրինակ հարթակները չեն փրկի, ուղղակի միանգամայն անընդունելի է այկն, որ այս ֆեյսբուքյան տականքների կողմից անարգել հնչող ագրեսիայի կոչերն ու տխմար մեկնաբանություններով փորձում են կեղտոտել հասարակական մթնոլորտը։