Հրշեջ-փրկարարները մարել են խոտածածկ տարածքներում բռնկված հրդեհները

ՀՀ ԱԻՆ ՓԾ Ճգնաժամային կառավարման ազգային կենտրոնում սեպտեմբերի 17-18-ը ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Ինչպես «Արմենպրես»-ին տեղեկացրին ՀՀ ԱԻՆ-ից, մասնավորապես՝ Երևան քաղաքի Մալաթիա-Սեբաստիա վարչական շրջանում այրվել է մոտ 200 քմ խոտածածկույթ, Բագրևանդի փողոցում՝ մոտ 3000 քմ, Էջմիածին-Արմավիր ավտոճանապարհին` Արշալույս գյուղի մոտակայքում` մոտ 2 հա, Սևան-Երևան ավտոճանապարհի 7-րդ կմ-ին հարակից` մոտ 2 հա, 31-րդ կմ-ի մոտակայքում՝ մոտ 7 հա, Հոռոմ-Գուսանագյուղ տանող ավտոճանապարհի 3-րդ կմ-ին հարակից տարածքում՝ մոտ 1000 քմ խոզան, Շիրակի մարզի Նոր Կյանք գյուղում՝ մոտ 1500 քմ, Սյունիքի մարզի Գորիս քաղաքի «Թոզկապի» գերեզմանատանը հարակից տարածքում՝ մոտ 100 քմ, Կապան քաղաքի Շահումյան թաղամասի վերջնամասում՝ մոտ 15 հա բուսածածկույթ, Ագարակ գյուղին հարակից տարածքում՝ մոտ 10 հա, Քարահունջ գյուղին հարակից բլուրներում՝ մոտ 6 հա, Արմավիրի մարզի Էջմիածին քաղաքի Չարենցի փողոցի թիվ 25-րդ շենքի մոտակայքում՝ մոտ 300 քմ, Բաղրամյան գյուղի գերեզմանատան տարածքում՝ մոտ 3000 քմ, Կոտայքի մարզի Պտղնի գյուղում՝ «Բելլաջիո» ռեստորանային համալիրի մոտակայքում՝ մոտ 1.5 հա, Արզնի գյուղի գերեզմանատանը՝ մոտ 200 քմ, Նոր Հաճն քաղաքի հին գերեզմանատանը՝ մոտ 400 քմ, Ֆանտան-Հրազդան ավտոճանապարհի 4-րդ կմ-ի մոտակայքում՝ մոտ 14 հա, Նոր Երզնկա գյուղում՝ մոտ 1500 քմ, Հրազդան քաղաքի Սոլակ գյուղի դաշտերում՝ մոտ 3 հա, Վերին Աղբյուրակ գյուղի գերեզմանատանը՝ մոտ 300 քմ, Կենտրոնական գերեզմանատանը՝ մոտ 1000 քմ, հարակից տարածքում՝ մոտ 1 հա, հեռուստաաշտարակի մոտակայքում՝ մոտ 2.5 հա, Հայֆիդայիններ փողոցի թիվ 58 հասցեում գտնվող գազալցակայանի մոտակայքում՝ մոտ 1500 քմ, Կաքավաձոր թաղամասում՝ երկաթգծի մոտակայքում` մոտ 2,5 հա, Աբովյան քաղաքի «Էլար» գերեզմանատանը՝ մոտ 1000 քմ, Սարալանջ թաղամասի գերեզմանատանը՝ մոտ 1 հա, Առինջ գյուղի գերեզմանատանը՝ մոտ 1500 քմ, Ջրվեժ գյուղի տներից մեկի մոտակայքում՝ մոտ 2000 քմ, Գետարգել գյուղի մոտակայքում՝ մոտ 1500 քմ, Նոր Երզնկա գյուղում՝ մոտ 1500 քմ, Արարատի մարզի Մխչյան-Դիտակ ավտոճանապարհի աջակողմյան հատվածում՝ մոտ 2000 քմ, Տավուշի մարզի Բերդավան բնակավայրում՝ «Շարվելի» կոչվող հանդամասում՝ մոտ 3 հա, Ներքին Կարմիրաղբյուր բնակավայրում՝ մոտ 2 հա, Գեղարքունիքի մարզի Սևան քաղաքի գերեզմանատան մոտակայքում՝ մոտ 0.5 հա չոր խոտածածկույթ, Արագածոտնի մարզի Կարբի գյուղի մոտակայքում՝ մոտ 3000 քմ, Գայի փողոցի տներից մեկի մոտակայքում՝ մոտ 1.5 հա, Մաստարա գյուղի դաշտամիջյան հատվածում՝ մոտ 350 հա խոտածածկ տարածք:

Բոլոր հրդեհները հրշեջ-փրկարարները մեկուսացրել են և մարել: