Պալաչի արարքը իր մեջ քրեական հանցակազմ է պարունակում
ՀԱՍԱՐԱԿՈՒԹՅՈՒՆ
Սմբատ Ավագյանը ֆեյսբուքյան իր էջում գրում է.
Օրեր առաջ Արթուր Հարությունյանը, ով բոլորին հայտնի է Պալաչ անվամբ, մեղադրել է «Գագիկ Ծառուկյան» բարեգործական հիմնադրամին, իբր վերջինիս գործունեության պատճառով նրա «Քինգ դելյուքս» ընկերությունը սնանկացել է: Խոսքը անվճար բարեգործական երթւողիների մասին է, որոնք 2009 թվականից մարդկանց Կոտայքի մարզից տեղափոխում են Երևան: Պալաչը որոշել է այս հանգամանքը օգտագործել իր մութ գործերը քողարկելու համար:
Իսկ մութ գործերը այն է, որ Պալաչը ամեն ինչ արել է, որ ինքը սնանկ ճանաչվի, որպեսզի այդ կերպ խուսափի չինացի գործընկերներին իր պարտավորված 4 միլիոն դոլար վճարելուց: Սա իր մեջ քրեական հանցակազմ պարունակող գործողություն է , քանի որ միտումնավոր սնանկացման գնալը օրենքի խախտում է: Այնպես որ եթե Պալաչի կեղծ հայտարարությունների հիման վրա իսկապես սկսվի նախաքննություն, ապա նա ինքն է հայտնվելու մեղադրայլի կարգավիճակում՝ միտումնավոր սնանկանալու համար, որը խարդախություն է և պատժվում է օրենքով: Եվ այս մասին ասել է ոչ այլ ոք, քան Պալաչի նախկին գործընկերը, ով շատ լավ տեղյակ է «Քինգ դելյուքսի» բոլոր մութ գործարքների մասին:
Ինքը Պալաչը իրականում բիզնես անելուց բավականին հեռու մարդ է, ով մտել է այնպիսի ոլորտ, որտեղ չի տիրապետում տարրական գիտելիքների, չգիտի, թե ինչպես պետք է տնօրինել գումարները բիզնես անելուց: Հայտնի փաստեր են այն, որ իր բիզնեսից ստացած ողջ եկամուտը նա ծառայեցրել է ոչ թե բիզնեսը սպասարկելուն, այլ մսխել է խաղատներում և ժամանցի վայրերում: Եվ այս մարդը այսօր Ծառուկյանին է մեղադրում իրեն սնանկացնելու համար, այն դեպքում, երբ դրա պատճառը հենց ինքն է և իր ցոփ կենսակերպը:
Ի դեպ, նա նաև անպատասխանատու ընկեր է, հարազատ և որդի, քանի որ վարկ վերցնելու համար գրավադրել է իր մտերիմների ու ծնողների տները, իսկ հետո նրանց թողել բախտի քմահաճույքին և հեռացել Հայաստանից: Այդ ժամանակ հենց Գագիկ Ծառուկյանն է Պալաչի ծնողների համար հետ գնել նրանց գրավադրված տունը և այն նվիրել Պալաչի ծնողներին, որպեսզի նրանք փողոցում չմնան, ինչպես նաև ապահովել եկամտով: Այսքանից հետո Պալաչը փոխանակ ինքն իրենց մեղադրի չստացված բիզնես գործունեության ու իր ծնողներին փողոցում թողնելու համար, Ծառուկյանին է մեղադրում, փորձելով քողարկել իր սխալ կենսակերպն ու մութ գործարքները: Սակայն այս ամենը բացահայտվելու է մոտ ապագայում և Պալաչը ինքը դառնալու է իր լարած թակարդի զոհը:
