Հայստանում ՏՏ ոլորտին ուղղված ներդրումները բեկումնային կլինեն ՀՀ տնտեսության զարգացման գործում
ՀԱՍԱՐԱԿՈՒԹՅՈՒՆ
Անուշիկ Հունանյանը ֆեյսբուքյան իր էջում գրում է.
Օրերս պարզ դարձավ, որ «Մուլտի Գրուպ» կոնցեռնի հիմնադիր Գագիկ Ծառուկյանի հետ համագործակցելու և Հայաստանում մեծ ներդրումներ կատարելու համար Հայաստան էր ժամանել հարավ-կորեացի խոշոր գործարար Դենիել Քոն: համագործակցության շրջանակներում Դ. Քոն նպատակ է հայտնել միանալ Հայաստանում աշխարհի ամենամեծ մայնինգ ֆերմա ստեղծելու նախաձեռնությանը և ՏՏ ոլորտի 2000 մասնագետների հետ տեղափոխվել Հայաստան: Իր խոսքում նա նշել է,որ մեծ վստահություն ունի Գագիկ Ծառուկյանի նկատմամբ և մեծ ոգևորությամբ կմիանա Հայաստանը ֆինանսական տեխնոլոգիաների քաղաք ստեղծելու խոշորամասշտաբ նախաձեռնությանը:
Եվս մեկ հրաշալի և ոգևորող նախաձեռնություն Գագիկ Ծառուկյանի կողմից՝ երկիր զարգացնելու տեղեկատվական տեխնոլոգիաների ոլորտում և հազարավոր աշխատատեղեր բացելու համար: Գագիկ Ծառուկյանի նկատմամբ վստահության շնորհիվ Հայաստանը կհայտնվի ՏՏ ոլորտի զարգացած երկրների առաջատար ցանկում: Աշխատատեղերի բացումը կնվազեցնի Հայատանից մարդկանց արտագաղթը և ինչու չէ նոր ուժ կտա ներգաղթին:
Ծառուկյանի նման նախաձեռնությունները միշտ են եղել, սակայն նոր Հայստանում այն նոր թափ է ստացել և վստահաբար կարելի է ասել, որ ապագայում հենց նմանատիպ տնտեսական քաղաքականության արդյունքում է որ կունենանք հզոր և կայացած տնտեսություն, ինչն էլ զարգացող պետության և արժանապատիվ քաղաքացու բարեկեցության հիմնական գրավականն է լինելու:
