Տոնը տոն է, բայց այն չպետք է վերածվի սանձարձակության
ՀԱՍԱՐԱԿՈՒԹՅՈՒՆ
Գոհար Մարգարյանը ֆեյսբուքյան իր էջում գրում է.
Երկու օր առաջ, Վարդավառի օրը, մի շատ տհաճ միջադեպի եմ ականատես եղել Երևանում: Այդ օրը, ինչպես հիշում եք, պետք է կայանար «Ոսկե Ծիրան» կինոփառատոնը, որին բազմաթիվ մարդիկ էին հրավիրված: Նույն Օպերայի շենքի մոտակայքում իսկական ջրոցի էր, ջրում էին բոլորին անխտիր, ով համաձակվում էր անցնել այդ հատվածով:
Մի աղջիկ, ով հագնված էր երեկոյան ոճով, շտապում էր «Ոսկե ծիրան» կինոփառատոնին ու ստիպված էր անցնել այդ հատվածով: Մի երիտասարդ մոտեցավ նրան, բնականաբար աղջկան ոտից գլուխ ջրելու մտադրությամբ: Այս աղջիկը սկսեց խնդրել իրեն չջրել, որովհետև պետք է մասնակցեր կինոփառատոնի միջոցառմանը, և ոտից գլուխ ջրված վիճակում փառատոնին ներկայանելը, մեղմ ասած, անհարմար էր:
Սակայն այս երիատսադրը, ով երևի մինչ այդ բոլորին անխտիր ջրել էր, որոշել էր, որ այս աղջրիկը չէր կարող բացառություն լինել: Այդ պահին նշված հատվածով անցնում էր նաև ԱԺ պատգամավոր Նաիրա Զոհրաբյանը, ով նույնպօես շտապում էր մասնակցելու «Ոսկե ծիրան» կինոփառատոնին, սակայն, տեսնելով այդ ամենը, լսելով աղջկա խնդրանքն ու երիտասարդի անդրդվելիությունը, որոշեց միջամտել և երիտասարդին հորդորել հետ կանգնել աղջկան ջրելու մտադրությունից:
Ցանկացած խելամիտ տղամարդ թեթև հորդորից հետո անգամ կհրաժարվեր ջրելու մտադրությունից, սակայն այս երիտասարդը, փոխանակ ներողություն խնդրելու և զիջելու երկու կանանց, վիճաբանության մեջ մտավ այդ աղջկա և Նաիրա Զոհրաբյանի հետ, սկսեց անվայել խոսքեր ասել և հայհոյանքներ հնչեցնել:
Բարեբախտաբար այս ամենին միջամտեցին ոստիկանները և միջադեպը հարթվեց, սակայն այդ երիտասադրը ցուցյ տվեց, որ դեռ պետք է տղամարդ դառնալու լուրջ դասընթացներ անցնի:
Զարմանալի է, որ այդսքանից հետո այսօր որոշ լրատվամիջոցներ այս միջադեպը տարածել են և, անհասկանալի մի տեսանյութի շնորհիվ, փորձել ամեն ինչ ներկայացնել այլ լույսի ներքո, մինչդեռ իրականում Նաիրա Զոհրաբյանը ընդամենը փորձել է պաշտպանել մի անօգնական աղջկա, որի խնդրանքները արհամարհում էր ջրով լի դույլը սպառանալիրց ձևով ձեռիքն բռնած ինչ-որ երիտասարդ:
Կարծում եմ ժամանակն է, որպեսզի ոստիկանները Վարդավառի օրերին հետևեն նմանատիպ դրսևորումներին, այլապես այս ամենը արդեն անցնում է կոռեկտության բոլոր սահմանները և նման միջադեպերը միշտ կրկնվելու են:
Ինչ վերաբերում է Նաիրա Զոհրաբյանին, ապա ով էլ լիներ նրա փոխարեն, կպաշտպաներ այդ աղջկան, իսկ երիտասարդի պահվածքը ուղղակի զզվելի էր: Տոնը տոն է, բայց այն չպետք է վերածվի սանձարձակության, երբ որևէ միջացոռման շտապող կնոջ համար չջրված տեղ հասնելը վերածվում է իսկական փորձության:
