Պրիմիտիվ պատվեր, որը չի դիմանում ոչ մի քննադատության
ՀԱՍԱՐԱԿՈՒԹՅՈՒՆ
Սմբատ Ավագյանը ֆեյսբուքյան իր էջում գրում է.
Երեկ որոշ լրատվամիջոցներ որոշել են շահարկել Կառավարության որոշմամբ Նվեր Ծառուկյանին տարկետում տալու մասին փաստը։ Շահարկումը ինքնին ակնհայտ է, քանի որ այս որոշումը հիմնվում է մինչ այդ ընդունված Կառավարության № 450-N որոշման վրա, ըստ որի նավամոդելային և բազկամարտի սպորտաձևերը նույնպես ընդգրկվում են այդ որոշման մեջ և հաշվարկվում են ոչ թե «1-2-րդ, այլ 1-3-րդ տեղերի հաշվարկով՝ առաջնակարգ մարզիկներին աջակցելու համար», ինչպես գրված է Կառավարության որոշման մեջ:
Նվեր Ծառուկյանը հանդիսանում է բազկամարտի Եվրոպայի բրոնզե մեդալակիր, հետևաբար Կառավարության որոշմամբ նրան հասնում է տարկետում զինվորական ծառայությունից, և եթե որոշ օգտատերեր և լրատվամիջոցներ այստեղ ուզում են խնդիր գտնելլ, ապա պետք է վիճարկեն Կառավարության որոշումը, այլ ոչ թե Նվեր Ծառուկյանի գործոնը։
Երկրորդ, ամբողջ խնդիրը նրանում է, որ Նվեր Ծառուկյանը արդեն իսկ ունի տարկերոտւմ զինծառայությունից մինչև 2021 թվականը, անկախ սպորտում ցուցաբերած արդյունքներից, քանի որ սովորում է Հայաստանի պետական տնտեսագիտական համալսարանում՝ անվճար հիմունքներով։
Հասկանալի է, որ ստեղծված աղմուկի մեջ ոմանք փորձում են պատվերով նոր թեմա ներմուծել, բայց թեման այնքան սին է, որ անմիջապես զգացվում է դրա արհեստածին բնույթը։
