Ծառուկյանի հերթական քայլը...

Գուրգեն Սահակյանը ֆեյսբուքյան իր էջում գրում է.

ՀՀԿ-ամերձ ֆեյքերն, ակտիվիստներն ու սադրիչ լրատվականներն արդեն մի քանի օր է ինչ, հիստերիայի մակարդակի հասնող վայնասուն են կապել այն թեմայի շուրջ, թե կստուգվե՞ն արդյոք Գագիկ Ծառուկյանին պատկանող հիմնարկությունները, թե ոչ:

Հարկ եմ համարում ամնեզիայով տառապողներին հիշեցնել այն մասին,որ հատկապես վերջին տարիներին Գագիկ Ծառուկյանը թերևս այն միակ գործարարն է, ում հիմնարկությունների իրականացված ստուգումների մասին խոսվել է բազմիցս:Դա արվել է և՛ Գագիկ Խաչատրյանի օրոք և Վարդան Հարությունյանի օրոք, ինչի արդյունքում հայտարարվել է, որ ոչ մի կոպիտ խախտում կամ չարաշահում չի հայտնաբերվել: Անկեղծ ասած չեմ հիշում այդ ժամանակահատվածում գործող այլ գործարների ձեռնարկություններում իրականացվելիք սոտւգումների մասին բացի Գագիկ Ծառուկյանից, ինչի մասին այս օրերին վայրահաչողները ևս հսատկ գիտեն:

Վերջիններիս հիշողությունները թարմացնեմ մեկ այլ օրինակով, ընդամենը ամիսներ առաջ էր, երբ ՊԵԿ տեսուչները ստուգումներ էին իրականացնում «Առինջ Մոլ»-ում մեղմ ասած «խուլիգանական» վարքի դրսևորմամբ, սակայն այդպես էլ չկարողանալով գտնել որևէ լուրջ խախտում:Գագիկ Ծառուկյանն ինքն անձամբ էլ հայատարարել է, որ 2015թ.-ից սկսած շուրջ 1,5 տարի ստուգումներ են իրականացվել Մուլտի Գրուպ-ին պատկանող բոլոր ձեռնարկություններում:

Եվ եթե այսքանից հետո ՀՀԿ-ամերձների շրջանում խլվրտոց է ընկել այդ ստուգումներից, ապա պարոնայք դա Ձեր խնդիրն է, տապակվեք Ձեր յուղով և մի փորձեք այլոց նկատմամբ սադրանքներով քողարկել Ձեր անօրինությունները:

Հ.Գ. Ի դեպ աչքիցս չվրիպեց Ծառուկյանի հերթական քայլը, այն է ԲՀԿ-ական նախարարներին անձամբ է հանձնարարել, որ իրենց տիրույթում իրականցվող ստուգումները սկսեն առաջին հերթին իրենից:

Նման իրավիճակը լավագույնս բնութագրում է Չերչիլի հայտնի խոսքերը. «դուք երբեք չեք հասնի ձեր ուզած վայրը, եթե ամեն հաչող շան վրա քար գցելու համար կանգ առնեք»: