Արարատի ցեմենտի գործարանի աշխատակիցները գործիք են դարձել որոշ ուժերի ձեռքին

Գոհար Մարգարյանը ֆեյսբուքյան իր էջում գրում է.

Գործադուլը Հայաստանում հազվադեպ երևույթ չէ։ Օրեր առաջ Հայաստանում անցած գործադուլների շարքին հատուկ չէինք անդրադառնա, եթե չպարզվեր, որ դրանցից մեկի վրա որոշ անձինք փորձում են ինքնակայանալ կամ դրա միջոցով իրենց հարցերը լուծել։
Հայտնի է, որ իշխանափոխությունից հետո որոշ շրջանակներ դեռ չեն կարողանում ձերբազատվել ռևանշի կամ նորից իշխանական լծակներին տիրապետելու անհիմն մղումներից և որոշել են հիմա էլ փրփուրներից կախվել և Հայաստանում իրականացող բողոքի ցույցերից օգուտներ քաղել։ Իհարկե նրանց պետք է հիասթափեցնենք և ասենք, որ նրանց գնացքը վերջնականորեն գնացել է և նրանց բոլորի հույսերը սին են։ 
Այսպես, օրեր առաջ Արարատի ցեմենտի գործարանի աշխատակիցները բողոքի ցույց էին անում և որոշ պահանջներ ներկայացնում տնօրինությանը։ Այդ պահանջների մի մասը հենց տեղում բավարարվեցին, իսկ մյուսների համար պայմանավորվածություն եղավ սպասել մինչև մայիսի 25-ը։ Սակայն երեկ կրկին Արարատի ցեմենտի գործարանի աշխատակիցները դուրս էին եկել բողոքի ցույցի։ 

Սա ինչ խոսք զարմանալի է, երբ առկա է պայմանավորվածություն սպասել մինչև մայիսի 25-ը։ Հենց այստեղ էր, որ այս ամենի հետևում երևացին որոշ անձնաց ականջները, ովքեր փորձել էին կառչել Արարատի ցեմենտի գործարանի աշխատակիցները բողոքից և հրահրել նրանց նոր գործողությունների։ Նրանք այս օրերին փորձում են կողքից կրակի վրա յուղ լցնել և թեժացնել իրավիճակը, բայց չի ստացվում։ Աշխատակիցները հետաօնդում են իրենց անձնական խնդիրները, ոչ թե ոմանց անհագ ախորժակի շահը։ 
Հանուն արդարություն պետք է նաև նշել, որ Արարատի ցեմենտի գործարանում այս պահին աշխատում են 1200 մարդ, սակայն գործարանին բավական է միայն 600 մարդը՝ իր գործունեությունը ապահովելու համար։ Սակայն ժամանակին Գագիկ Ծառուկյանը որոշում է կայացրել չկրճատել մարդկանց և այդ որոշումը ուժի մեջ է առայսօր։ 
Գագիկ Ծառուկյանը այս անգամ էլ լուծում է տալու բոլոր խնդիրներին և բողոքի ակցիայի վրա ձեռքեր տաքացնող անձինք կրկին մնալու են ձեռնունայն։ Ինչքան էլ նրանք փորձեն հրահրել, ինչքան էլ կողքից մարդկանց բերեն այդ ակցիաներին, որվքեր իրականում ոչ մի կապ չունեն Արարատի ցեմենտի գործարանի հետ, միևնույն է չեն հաջողելու ոչ մի հարցում, իսկ վերջում այս ալիքը կարող է ուղղվել նրանց դեմ, քանի որ այդ անձնաց բացահայտելը ընդամենը րոպեների հարց է։ 

Վերջում նշենք, որ մարդկանց սոցիալական խնդիրների վրա սեփական քաղաքական շահերը առաջ տանելու փորձը ստորություն է, որը երբեք չի կարող հաջողություն գրանցել։