Գագիկ Ծառուկյանի ջանքերով Հայաստանում կատարվելու են միլիարդավոր դոլարների նոր ներդրումներ

Շավարշ Բզնունյանը ֆեյսբուքյան իր էջում գրում է.

Ընդամենը օրեր առաջ հայտարարվեց այն մասին, որ վերջին երեք տարում Գագիկ Ծառուկյանի ջանքերով Հայաստանում կատարվել են մեկ միլիարդ 200 միլիոն դոլարի ներդրումներ։ Սակայն, պարզվում է, սա դեռ ամենը չէ, և առաջիկայում Գագիկ Ծառուկյանի շնորհիվ Հայաստանում լինելու են նոր հսկայական և աննախադեպ ներդրումներ, ընդ որում ոչ թե ավանդական, այլ բոլորովին նոր, ինովացիոն և բարձր տեխնոլոգիական ոլորտներում։
Omnia Tech LLC ընկերությունը, ելնելով Գագիկ Ծառուկյանի նկատմամբ ունեցած վստահությունից և նրա հեղինակությունից, Multi Group ընկերության հետ համատեղ ստեղծում է աշխարհում ամենամեծ մայնինգ ֆերման, որը զբաղվելու է այսօր արդեն մեծ տարածում ստացած կրիպտոարժույթների արտադրությամբ։ Մուլտի Գրուպ կոնցեռնի ջանքերով Հայաստանում ստեղծվում է աշխարհում նմանակը չունեցող հզորություններով հագեցած մայնինգ-ֆերմա, որտեղ գործարկվելու են 150 հազար միավոր տեխնիկա։ Այս ուղղությամբ արդեն իսկ կատարվել են միլիոնավոր դոլարների ներդրումներ և առաջիկայում ստեղծվելու են հարյուրավոր աշխատատեղեր։ 
Սակայն կրիպտոմայնինգը ընդհանուր ծրագրի մի մասն է միայն։ Ընդհանուր ծրագիրը նախատեսում է հսկայական տեխնոպարկի հիմնում, որի հետ համագործակցելու են ինֆորմացիոն տեխնոլոգիաների ոլորտի աշխարհի 500 առաջատար ընկերություններ, այդ թվում այնպիսի մեգաընկերություններ, ինչպիսիք են Google-ը, Facebook-ը, Amazon-ը։ Այս ամենը կյանքի կոչելու համար առաջիկա երկու տարում Հայաստանում կատարվելու է աննախադեպ 2 միլիարդ դոլարի ներդրում, ինչի արդյունքում բացվելու են 3 հազար աշխատատեղեր։ Այս ոլորտը, որը ամբողջությամբ հիմնվածէ ժամանակից բարձր տեխնոլոգիաների վրա, ներգրավելու է լավագույն հայ մասնագետներին ոչ միայն Հայաստանից, այլ նաև արտերկրից։ Այսպիսով Գագիկ Ծառուկյանի շնորհիվ հնարավորություն է ստեղծվելու, որպեսզի ժամանակին Հայաստանից արտագաղթած բարձր որակավարում և մեծ պահանջարկ վայելող հայ մասնագետները վերադառնան Հայաստան և աշխատեն իրենց հայրենիքում՝ իրենց գիտելիքները ծառայեցնելով Հայաստանին։
Omnia Tech LLC-ն մեկն է այն բազմաթիվ ընկերութուններից, որոնք, հիմնվելով Գագիկ Ծառուկյանի հեղինակության և նրա նկատմամնբ ունեցած վստահության վրա, եկել են Հայաստան և ներդրումներ կատարել Հայաստանում։ Այսպիսով Գագիկ Ծառուկյանը հավատարիմ է մնում նախընտրական քարոզարշավի ժամանակ հնչեցրած իր խոսքերին և ներգրավում է միլիարդավոր դոլարների ներդրումներ Հայաստանում։