«Մուլտի Գրուպ» կոնցեռնի օրինակելի ներդրումային քաղաքականությունը

Կարեն Հակոբյանը ֆեյսբուքյան իր էջում գրում է.

Ցանկացած պետությունում դինամիկ տնտեսական զարգացում ապահովելու գրավականը ներդրումներ կատարելն ու ներգրավելն է: 
Այս համատեքստում էլ օրերս պարզ դարձավ, որ Հայաստանում գործող խոշորագույն կոնցեռն «Մուլտի Գրուպի» կողմից վերջին 3 տարում իրագործվել է ավելի քան 1,2 միլիարդ դոլարի ներդրումային ծրագրեր: 
Հաշվի առնելով, որ կոնցեռնի սեփականատեր Գագիկ Ծառուկյանն իր ելույթներում մշտապես անդրադարձել է տնտեսության զարգացման կարևորությանը և ուղիներ է նախանշել դրանք իրագործելու համար, միանշանակ սպասելի էր նման արդյունքը, քանի որ որպես կանոն Ծառուկյանի ցանկացած հայտարարություն միշտ գործով է ապացուցվում: 
Նման հսկայածավալ ներդրումների կարիք ցանկացած պետություն ունի, քանի որ դրանով միանգամից մի քանի կարևորագույն հիմնախնդիրներ են լուծվում:Ներդրումները ոչ միայն տնտեսության զարգացման նախապայման են, այլև հանրության կենսակերպի բարելավման (աշխատատեղեր), արտագաղթի տեմպերի կասեցման և նմանատիպ խնդիրների կարգավորման դեղատոմս են հանդիսանում, իսկ այս դեպքում 1.2 միլիարդ դոլար ներդրումը լուրջ ազդեցություն է ունեցել ներքոնշյալ խնդիրների կարգավորման գործում:

Հաշվի առնելով, «Մուլտի Գրուպ» կոնցեռնի ներդրումային քաղաքականության բազմապրոֆիլ գործունեությունը, պետք է արձանագրել, որ յուրաքանչյուր ներդրում մի շարք դրական արգումենտներ է ի հայտ բերում, որոնք ծառայում են ի շահ պետության և հասարակության բարեկեցությանը:

Վստահաբար ապագայում նման տեմպերով կշարունակվի կոնցեռնի գործունեությունը, քանի որ հաշվի առնելով Գագիկ Ծառուկյանի հայրենասիրությունն ու աշխատասիրությունը, միանշանակ կարելի է ասել, որ դեռ շատ ուրախանալու առիթներ ենք ունենալու այս առումով և այն ներդրումները, որոնք իրականացվել են վերջին 3 տարիների ընթացքում, ապագա 3 տարիներին կշարունակեն աճել և զարգացնել Հայաստան պետությունը: