Երևանում 31-ամյա կին վարորդը Mercedes-ով բախվել է Գարեգին Նժդեհի արձանին

Այսօր՝ մարտի 26-ին, ավտովթար է տեղի ունեցել Երևանում: Ժամը 06:40-ի սահմաններում Երևան քաղաքի Մալաթիա-Սեբաստիա վարչական շրջանի բնակչուհի՝ 31-ամյա Մարգարիտա Ասատրյանը իր վարած Mercedes մակնիշի 35 GL 737 համարանիշի ավտոմեքենայով դուրս է եկել ճանապարհի երթևեկելի գոտուց, հայտնվել կանաչ գազոնում և բախվել Գարեգին Նժդեհ հրապարակում տեղադրված Սուրեն Սպանդարյանի արձանի պատվանդանին: Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Մ. Ասատրյանը մարմնական վնասվածքներով տեղափոխվել է «Աստղիկ» բժշկական կենտրոն: Դեպքի վայր են ժամանել ճանապարհային ոստիկանության 1-ին սպայական գումարտակի 1-ին դասակի աշխատակիցները: Վթարի մասին Երևանի ՃՈ օպերատիվ կառավարման կենտրոնի պատասխանատու հերթապահ Կարեն Գյուլումյանը տեղեկությունը փոխանցել է ճանապարհային ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հետաքննչական խումբը՝ ավագ հետաքննիչ Սարգիս Գևորգյանի գլխավորությամբ, ում կողմից փաստի առթիվ նյութեր են նախապատրաստվում: Ավտոմեքենան քարշակի միջոցով տեղափոխվեց Երևանի ՃՈ պահպանվող հատուկ տարածք: 

Նյութի աղբյուրը՝ այստեղ

Այս թեմայով Անչափ հուզիչ պատմություն.Տաքսու վարորդը գիշերն աղջկան հասցրեց տուն.Նա չէր էլ պատկերացնում, որ աղջիկն այդ կերպ կվաճարի իրեն. Խայտառակություն.Տաքսու վարորդը նկարահանել է ոչ ադեկվատ ուղևորուհու պահվածքը. Ավտոմեքենայի հարբած կին վարորդը նկարահանել է վթարի պահը Ջարդուփշուր արեց մեքենան... (Տեսանյութ) Օրվա կադրը. ինչ քայլի ասես որ չեն դիմի մեր հայ վարորդները իրենց մեքենան վաճառելու համար: