Այսօր մենք ապրում ենք այնպիսի մի ժամանակաշրջանում, որտեղ անտեսվում են աստվածային արժեքները: Փաստ է, որ ողջ աշխարհում շատերն են հետաքրքրված գուշակություններով և օկուլտիզմով:
Եվ չնայած, որ մենք՝ հայերս, համարվում ենք քրիստոնյա ժողովուրդ, միևնույն է, մեր հեթանոսությամբ չենք զիջում ոչ մեկի:
Եվ այսպես, ցանկանալով լսել մեր համաքաղաքացիների վերաբերմունքն այս հարցի շուրջ՝ փորձեցի մոտենալ մի քանի պատահական անցորդի և զրուցել նրանց հետ:
Հնչեցին հետևյալ պատասխանները.
«Ես դրական եմ վերաբերվում գուշակներին և գուշակությանը, չնայած որ երբևէ չեմ այցելել նրանց», «Հնարավորության դեպքում չէի հրաժարվի մի քանի խորհրդից», «Հետաքրքիր է իմանալ, թե ինչ է լինելու ապագայում, բայց ես վախենում եմ գնալ նրանց մոտ», «Ես հավատում եմ նրանց, նրանք իմ շատ հարցերին պատասխան են տվել»… և այլն:
Ցավոք, զրույցիս ընթացքում հազվադեպ էին այսպիսի մտքերը՝ «Գուշակներ միշտ էլ եղել են, բայց ես զարմանում եմ, թե ինչպե՞ս կարելի է դիմել նրանց: Ըստ իս՝ նրանք չարի ծառաներ են»:
Իրականում, Աստծո առջև գարշելի է այս ամենը, ինչը և դատապարտելի է Նրա կողմից:
Սուրբ Գրքում այս ամենը հաստատող բազում օրինակներ կան՝ ‹‹Ձեր մեջ չգտնվի իր տղային կամ աղջկան կրակից անցկացնող, դիվություն դյութող, գուշակող և հմայող և կամ համհարց, նաև կախարդ կամ վհուկ կամ նշանագետ կամ մեռելհարցուկ, որովհետև բոլոր այս բաներ անողը Եհովայի առաջ գարշելի է›› (Երկրորդ Օրինաց 18.10-12):
Եվ ի վերջո՝ ինչ ուժեր էլ որ գոյություն ունենան այս երկրի վրա, դրանք անզոր են դառնում Աստծո առջև:
Ուստի կարիք չկա հետևելու կենդանակերպի նշաններին կամ էլ լսելու, թե ինչ են հուշում աստղերը, որպեսզի կառավարենք մեր կյանքը:
Թո՛ղ մեր հայացքն ուղղված լինի դեպի Արարիչը, և Նրա այն ծրագրին ու կամքին, որը պատրաստված է յուրաքանչյուրիս համար: Իսկ Աստծո կամքը մեզ համար բարին է, հաճելին և կատարյալը:
Կենդանակերպի 3 ամենավտանգավոր տղամարդիկ
Հորոսկոպի 3 լավագույն կանայք ամուսնության համար
Ահա, թե ինչ է պատմում ձեր աչքերի գույնը ձեր մասին. 90% ճշգրտությամբ այն կբացահայտի այն ինչ մինչև հիմա դութ չեք իմացել
Ահա, թե որն է հորոսկոպի ամենացանկալի կին-նշանը. նա իսկական երազանք է ցանկացած տղամարդու համար
Ամենահավատարիմ ամուսինները` ըստ հորոսկոպի նշանների
