«Նորմա՞լ է, որ հասցրել եմ 7 տղամարդու հետ սեքսով զբաղվել, երբ ընդամենը 20 տարեկան եմ». Դուք կզրկվեք խոսելու ունակությունից, երբ տեսնեք խոսքերի հեղինակին ...
ՎԻԴԵՈ«Բարեւ, սիրելի Լյուսի: Մշտապես հետեւում եմ Ձեր գրառումներին ու հոդվածներին: Ես 20 տարեկան եմ եւ արդեն հասցրել եմ 7 հոգու հետ սեքսով զբաղվել: Առաջին անգամն ինձ խաբել են ու ստիպել, երբ 17 տարեկան էի: Դրանից հետո կյանքս հիմնովին փոխվեց: Ես շուտ եմ վստահում մարդկանց ու նվիրվում: Գրեթե չի ստացվում նորմալ հարաբերություններ կառուցել, քանի որ մարդիկ այս ամենն անբարոյականություն են համարում: Այժմ շփվում եմ մի երիտասարդի հետ, ով պահպանողական մտածելակերպ ունի: Չէի ցանկանա վատաբանել նրան, բայց ստիպված եմ նշել, որ չափազանց եսասեր է, ու դա արտացոլվում է մեր հարաբերություններում: Նրան պատմել եմ ողջ կյանքս: Վերջերս սեքսով զբաղվեցինք, եւ պարզապես սարսափելի էր. ոչ մի համբույր, ոչ մի քնքշանք: Ասում է, որ երբեք չի համբուրի անալ սեքսով զբաղված աղջկա: Ասում է, որ նորմալ է ինձ ընդունում, բայց երբեմն ինձ վիրավորող կատակներ է անում: Երբեմն այնպիսի զգացում ունեմ՝ կարծես շրջապատիս աղջիկներից վատն եմ. նրանք «անմեղ» են, իսկ ես՝ նվաստ: Նորմա՞լ է, որ այդքան տղաների հետ կապ եմ ունեցել: Երբեմն ինձ անբարո եմ զգում հենց այս վերջին տղայի հետ շփումից: Երբեմն մտածում եմ՝ արդյոք արդարացի եմ վարվել ծնողներիս հանդեպ, ովքեր չափազանց պահպանողական են: Հոգնում եմ այս «քյառթու» հասարակությունից, կարծես լավ է 20 տարուց ավելի զսպել սեռական ցանկությունները՝ հանուն կարմիր խնձորի եւ օժիտի: Խորհուրդ տվեք՝ ինչպես վատ չզգամ ինձ: Նորմա՞լ է մի քանի տղայի հետ սեքսով զբաղված լինելը»:
Նմանատիպ հարցադրումներով նամակներն այնքան շատ են, որ դրանց անդրադարձը մի ամբողջ նյութի վերածվեց: Մեր հասարակությունում մի սեռահասուն մարդու սեռական կյանքը, զուգընկերների թիվը, ցավոք, շարունակում է ակտուալ մնալ այլ մարդկանց համար: Նամակին անդրադարձել եմ միտք առ միտք: Այն, իհարկե, ուղեցույց չէ, անձնական կարծիքների համախումբ է, բայց կարող է օգտակար լինել այն չափահաս, սեռահասուն աղջնակների համար, ովքեր հոգնում են իրենց սեռական կյանքից բխող խնդիրներից:
Բազմամիտ դարձեք
Կազմալուծեք «ես միամիտ եմ, շուտ եմ վստահում ու նվիրվում մարդկանց» հաստատումը: Միգուցե Դուք միամիտ լինելուց անգիտակցական շահե՞ր ունեք, բայց փաստացի տեսնում ենք, որ դա Ձեզ ամեն անգամ հստակ խանգարում է: «Միամիտ եմ» արտահայտությունը, ըստ իս, հավասարազոր է «հետեւանքների մասին մտածելու կամ պատասխանատվություն կրելու հավես չունեմ. ավելի հեշտ է ինքս ինձ միամիտ որակումը տամ» մտքին: Դադարեք միամիտ լինել: Երբեք մի վստահեք, քանի դեռ խաչաձեւ չեք ստուգել մարդու մոտեցումները կյանքին, առավել եւս՝ սեքսին: Փոխեք Ձեր՝ նվիրվելու սկզբունքները, բարձրացրեք դրանց չափանիշները, անցեք միամիտ աղջնակի փուլը. Ձեր վարած սեռական կյանքն ու այդ փուլը բոլորովին չեն համապատասխանում իրար: Բազմամիտ դարձեք:
Հեղհեղուկ բարոյականություն
Վերջ տվեք այնպիսի մարդկանց ու տղամարդկանց հետ շփվել, ովքեր սեռահասուն տարիքում սեռական կյանք ունենալն անբարոյականություն են համարում: Դա վտանգավոր գավառամտություն է: Չափահաս մարդն իրավունք ունի համակրել, ընտրել ու սեռական կյանք վարել ում հետ ցանկանում է՝ տղամարդ, կին, իրենից փոքր, իրենից մեծ: Բացառություն են կազմում անչափահասներն ու օրենքով պատժելի այլ դեպքերը: Վերջ, մնացածը Ձեր պատասխանատվության ու իրավունքի հարց է: Ընդ որում, Ձեր սեռական կյանքը պետք է «փրայվիթ» (մասնավոր) լինի բացարձակապես բոլորի համար: Ու Ձեր զուգընկերներն էլ պետք է պահպանեն այդ դրույթը: Իսկ դրա համար վստահելիության մթնոլորտ է պետք: Բարոյականության հարց այստեղ ընդհանրապես չկա:
Խոստովանությունն աղետ է
Երբեք, երբեք, ԵՐԲԵՔ ու ԵՐԲԵՔ մի պատմեք հաջորդ սեքսուալ զուգընկերոջը նախորդների մասին: Այն էլ՝ մանրամասներ, սեքսի տեսակներ: Առավելագույնը, որ կարելի է տրամադրել տղամարդուն, «կույս չեմ, մնացածը քեզ չի վերաբերում՝ ոչ քանակ, ոչ տեսակ, ոչ որակ, ոչ ազգություն» նախադասությունն է: Փախեք այն տղամարդուց, ով Ձեզ համոզում է «խոստովանել»՝ վստահեցնելով, որ չի խանդում ու չի շահարկելու այդ ամենը: Ձեր անցյալը Ձեր նեղ անձնական կյանքն է. ընտրեք այնպիսի տղամարդու, ում դա չի հետաքրքրում:
Օրալն ու անալը՝ հայեցակարգում
Կարծում եմ՝ տղամարդը, ում համար օրալ, անալ կամ սահմանադրորեն չարգելված այլ սեքսուալ գործողությունները ճակատագրական ու խնդրահարույց են, չի կարող Ձեզ հանդարտ վերաբերվել: Հանեք դա Ձեր մտքից, քանի որ իրատեսական չէ: Ձեզ նորմալ մարդ համարում է այն տղամարդը, ում համար գնահատելի են Ձեր մարդկային կոլորիտը, ինտելեկտը, հումորը, ընկեր լինելու ձեւաչափը, մտածելակերպը, ծնողների ու երեխաների վերաբերյալ Ձեր մոտեցումները եւ այլն: Բայց ոչ երբեք՝ սեքսուալ զուգընկերների թիվն ու արած սեքսի տեսակները: Նման տղամարդիկ գլխացավանք են: Ի դեպ, նրանք լիովին ունակ են գտնելու իրենց տեսակին, հարաբերվելու նրանց հետ, այնպես որ հանգիստ թողեք այդ տեսակին:
Օրալն ու բարդույթները
Հետո, եթե տղամարդը չի հանդուրժում օրալ սեքսով զբաղվող աղջկա բերանը, ապա, ըստ տրամաբանության, չպետք է առհասարակ սեքսով զբաղվի նրա հետ: Եթե զբաղվում է, ուրեմն խորքային այլ խնդիրներ ունի. միգուցե ծայրահեղ սեռաքաղց ունի եւ չունի սեքսի այլընտրանք, բացի Ձեզնից: Միգուցե Ձեր հոգեկանի ու նյարդային համակարգի միջոցով ինքնահաստատման կարիք ունի: Այս բոլոր դեպքերն էլ տղամարդու անճարության, ինքն իրեն չկատարելագործելու մասին է խոսում: Ինչների՞դ է պետք նման տղամարդը:
Փախուստի հաջորդ առիթը
Առանց հետ նայելու, գլխապատառ փախուստի դիմեք այն տղամարդուց, ով ծաղրում է Ձեզ: Ոչ թե կատակաբանում կամ հումորաբանում, այլ հստակ ծաղրում ու հեգնում: Սա եւս ինքնահաստատման նշան է: Նա գտել է Ձեր թույլ կոճակներն ու հերթով սեղմում է դրանք: Սեղմվել, թե՝ ոչ, որոշում եք միայն Դուք: Հարգեք սեփական օրգանիզմն ու ուղեղը:
Սեքսն ու ծնողները
Քանզի չափահաս եք, ժամանակն է ընկալելու, որ Ձեր սեքսուալ կյանքը միմիայն Ձերն է. ոչ մայրիկինը, ոչ հայրիկինը: Եթե նրանց չեք վստահում, ուրեմն երբեք ու ոչ մի դեպքում մի պատմեք դրա մասին: Խնամքով թաքցրեք: Բայց հիշեք նաեւ, որ սեքսի հետեւանքների համար պատասխանատու եք Դուք՝ միանձնյա: Այսինքն, եթե չհղիանալու մեթոդներից անտեղյակ լինելու պատճառով հղիանաք պատահաբար, այդ հարցը լուծելու եք Դուք, որովհետեւ Ձեր ծնողները Ձեզ «կոչնչացնեն»: Եթե սեքսի ժամանակ պահպանակով չպաշտպանվելու պատճառով որեւէ սեռավարակ բաժին հասնի, բուժումն անցնելու եք ու վճարելու եք Դուք: Սա իմանալու դեպքում եւս ծնողները կխժռեն Ձեզ: Այսինքն՝ մեծահասակ լինելը, սեքսուալ կյանք ունենալը, ազատ ընտրություն կատարելը սքանչելի բաներ են, բայց դրա համար պետք է գրագիտություն, պատասխանատվություն, սթափություն: Բացառել է պետք նվնվանությունը, ինֆանտիլությունը, անադեկվատությունը, փնթի մոտեցումներն ու անվստահելի մարդկանց: Ձեր ծնողները ոչ մի իրավունք չունեն խառնվել Ձեր սեքսուալ կյանքին կամ դրա մասին որեւէ տեղեկություն պահանջել: Բայց նաեւ բացարձակապես պարտավոր չեն հոգալ Ձեր պատահական հղիության ու սեռավարակների խնդիրները: Սա է իրատեսական վիճակը:
Ինքնագնահատական հանապազօրյա
Եվ վերջում, խորհուրդ եմ տալիս անպայման զբաղվել ինքնագնահատականով: Այն պետք է լինի իրատեսական բարձր: Դրան օգնում է լավ աշխատանքը, Ձեր դաշտին ու մտածելակերպին մոտ ընկերները, սիրելի զուգընկեր ունենալը կամ գոնե ստաբիլ, առողջ հոգեկանով, պաշտպանված սեքսուալ կյանք ունենալը: Ապահովեք այս ամենն, ու բավականին կհեշտանա ամեն ինչ: Ստեղծելը միգուցե մի քանի տարի տեւի, բայց կծառայի շատ երկար:
Մանրամասներն՝ այստեղ:
