Ամուսինս խոստացավ, որ այսուհետ ամեն Ամանորին մենք Երևանում կլինենք. Մարիամ Մելիքյան

Մոդել, դերասանուհի Մարիամ Մելիքյանն, ով ամուսնությունից հետո ապրում է Թուրքիայում, Ամանորն ընտանիքի հետ միասին անցկացրել է Հայաստանում: Տոնական օրերի, ինչպես նաեւ հայկական Ամանորի վերաբերյալ ամուսնու եւ դստեր արձագանքի մասին Մարիամը պատմել է Life.panrama.am-ին:

 

«Արդեն երեք տարի է, ինչ ամուսնությունից հետո Ամանորը Երեւանում չէի նշել, ու խոստովանում եմ՝ անասելի կարոտել էի մեր հայկական, ավանդական ամանորյա անցուդարձին: Երեւանյան Ամանորի մասին հաճախ էի պատմում ամուսնուս, ուստի այս տարի որոշեցինք, որ ընտանիքով տոներն անցկացնելու ենք այստեղ»,- պատմեց մեր զրուցակիցն ու շարունակեց.

 

«Պետք է ասեմ, որ թե ամուսինս, թե աղջիկս բավականին տպավորված էին: Ամուսինս խոստացավ, որ այսուհետ ամեն Ամանորին մենք Երեւանում կլինենք: Հավատացնում եմ, ինքս ոչ մի ուրիշ վայրում այդքան հաճույք չեմ ստանում տոներից, որքան իմ հարազատ երկրում»:

 

Մարիամը պատմեց, որ տոները նշել են ավանդական կերպով՝ սկսած տոնական սեղանից, մինչեւ հյուրեր գնալ եւ ընդունել:

Մարիամ Մելիքյանի խոսքով՝ իր ընտանիքում առանձնահատուկ կերպով նշվում է նաեւ Սուրբ Ծնունդը.

«Ճիշտ է՝ աղջիկս դեռ փոքր է, որպեսզի նրան ավելի խորապես բացատրենք Սուրբ Ծնունդի նշանակությունը, բայց նա մեր ընտանիքի օրինակով արդեն իսկ շատ բան է հասկանում, մենք նրան իսկական քրիստոնյա ենք մեծացնում»,- ընդգծեց նա:

 

Մոդելի ամուսինն արդեն վերադարձել է, իսկ Մարիամն ու աղջիկը Երեւանում կլինեն եւս տասը օր: Մեր զրուցակցի խոսքով՝ այստեղ փորձում է միայն հանգստանալ, գործնական ծրագրեր չունի, թեեւ, ինչպես նշեց, առաջարկները շատ-շատ են:

Հետաքրքրվելով, թե մոդել, դերասանուհին ի՞նչ է ցանկանում 2018-ից, պատասխանեց.

 

Շարունակությունը՝ ԱՅՍՏԵՂ.