Այս բջջային ծրագիրը իրական վտանգ է Հայաստանի Հանրապետության անվտանգության համար
ՀԱՍԱՐԱԿՈՒԹՅՈՒՆԴեռ դեկտեմբերի սկզբից հայկական վիրտուալ իրականության մեջ մեծ տարածում գտավ Getcontact ծրագիրը՝ Android և IOS համակարգերով աշխատող սմարթֆոնների համար: Ծրագիրը թույլ է տալիս տեսնել, թե Ձեր հեռախոսահամարը ինչ անվան տակ է գրանցված ուրիշների բջջայիններում: Այնուամենայնիվ այս անմեղ թվացող ժամանցային ծրագիրը թույլ է տալիս նաև հավաքել Ձեր հեռախոսի ողջ ինֆորմացիան՝ հեռախոսահամարներ, սոցիալական ցանցերի գաղտնաբառեր և նույնիսկ խոսակցության ձայնագրություններ: Ծրագիրը առաջացրեց բուռն քննարկումներ սոցիալական ցանցերում: Հետագայում Անձնական տվյալների պաշտպանության գրասենյակը սրա մասին հայտարարություն է տարածել՝ նշելով, որ սույն ծրագիրը, իսկապես, վտանգի է ենթարկում անձնական գաղտնի տվյալները: Նշենք նաև, որ Getcontact ծրագիրը նաև լայնորեն գովազդվում է որոշ ֆեյսբուքյան էջերի և լրատվական կայքերի կողմից:
Կարեն Վրթանեսյան-ը իր ֆեյսբուքյան էջում գրում է.
«Կուրսի՞ եք, որ թուրքական է այս անհայտ հեղինակի ծրագիրը, որը քիչ է ոգևորված թողում եք ձեր հեռախոսի կոնտակտները հավաքի, տանի իր սերվերում պահի, դեռ մի բան էլ տարածում ու գովազդում եք։
(Ընդ որում տարածում եք անձնական տվյալների պաշտպանության գործակալության պաշտոնական զգուշացումից հետո էլ)։
Այսինքն թուրքական ինչ-որ անհայտ ընկերությանը կամ գուցե հենց միանգամից հատուկ ծառայություններին տալիս եք ձեր հեռախոսներում գրանցած բոլոր զինվորականների համարները, անունները, գուցե նաև այլ մանրամասներ։ Կարևոր չէ, որ «ընդամենը 5 րոպեով եմ դրել, հետո հանել եմ», այն մի վայրկյանում տանում է ձեր կոնտակտները ու հետո նույնիսկ եթե ձեր համարը ջնջեք համակարգից (ու դեռ հարց է՝ իսկապես ջնջո՞ւմ է, թե ոչ), ձեր հեռախոսում գրանցված մնացած բոլոր մարդկանց կոնտակտները միևնույն է մնում են այդ ընկերության մոտ»։
