Գագիկ Ծառուկյանը յուրահատուկ կամուրջ ստեղծեց Արցախի և Եվրոպայի միջև
ՀԱՍԱՐԱԿՈՒԹՅՈՒՆ
Սարգիս Հովսեփյանն իր ֆեյսբուքյան էջում գրում է՝
Դեկտեմբերի 15-ին Երևանում տեղի ունեցավ Եվրոպայի պահպանողականների և ռեֆորմիստների դաշինքի համաժողովը, որը կրում էր «Կառուցենք ավելի բարգավաճ աշխարհ» խորագիրը։
Համաժաղովի՝ հենց Հայաստանում կայանալը ինքնին կարևոր փաստ է, քանի որ խոսքը գնում է Եվրոպայի խոշորագույն քաղաքական ուժերից մեկի համաժողովի մասին։ Եվ այդ համաժողովի՝ Հայաստան տեղափոխվելն արդեն մեծ քաղաքական իրադարձություն է, քանի որ մի կողմից ավելի է ամրապնդում Հայաստան –ԵՄ կապերը, իսկ մյուս կողմից Հայաստանին դարձնում է եվրոպական քաղաքական գործընթացների անմիջական մասնակից։ Պետք է նշենք, որ այս ամենում բացառիկ դերակատարություն է ունեցել Գագիկ Ծառուկյանը, ում հրավերով և ջանքերով Եվրոպայի պահպանողականների և ռեֆորմիստների դաշինքի հերթական համաժողովը կայացավ հենց Հայաստանում։
Համաժողովն էլ ավելի նշանավորվեց մասնակիցների՝ Արցախ կատարած այցով։ Թե որքան կարևոր է այսօր Արցախի միջազգային ճանաչումը, Արցախի նկատմամբ Բաքվի կողմից մշտապես իրականացվող ագրեսիվ քաղաքականությունը աշխարհում հանրայնացնելը և Արցախի կեցությունն ու իրավիճակը աշխարհին ներկայացնելը, կարծում ենք հատուկ նշելու կարիք չկա։
Ուստի Եվրոպայի պահպանողականների և ռեֆորմիստների դաշինքի համաժողովի մասնակիցների Արցախ այցելեությունը այս առումով ուներ բացառիկ կարևոր նշանակություն։ Պատվիրակները հանդիպեցին Արցախի նախագահ Բակո Սահակյանի, Արցախի Ազգային Ժողովի նախագահ Աշոտ Ղուլյանի հետ, հանդիպումներ ունեցան Արցախի պետական այլ գործիչների հետ,։
Սա բավականին ներկայացուցչական և մեծաթիվ պատվիրակության այց էր Արցախ, որը երբևէ Արցախ այցելած ամենամեծ պատվիրակությունն է, որում ընդգրկված էին քաղաքական գործիչներ և պատգամավորներ աշխարհի ավելի քան 30 երկրներից։ Իսկ եթե հաշվի առնենք այն, որ Արցախի հակամարտության կարգավորման բանակցությունները այսօր ընթանում են ԵԱՀԿ Մինսկի խմբի համանախագահների ձևաչափով և Եվրոպան լուրջ դերակատարում ունի Արցախի հակամարտության լուծման գործընթացում, ապա հասկանալի է, որ նույն Եվրոպայի պահպանողականների և ռեֆորմիստների դաշինքի մեծ պատվիրակության այցը բացառիկ նշանակություն ունի ինչպես ճանաչողական, այնպես էլ հակամարտության կարգավորման հետագա ընթացքի տեսանկյունից։
Այս առումով ԲՀԿ նախագահ Գագիկ Ծառուկյանը դերակատարությունը իսկապես բացառիկ է և նա յուրահատռուկ կամուրջ ստեղծեց ոչ միայն Հայաստանի և Եվրոպայի, այլ նաև Արցախի և Եվրոպայի միջև, մի բան, որը կարևորագույն նշանակություն ունի հատկապես Բաքվի կողմից մշտապես հնչող ագրեսիվ հայտարարությունների և քաղաքականության ֆոնին։
Հուսով ենք, որ նմանատիպ հանդիպումները կկրեն շարունակական բնույթ, ինչի սկիզբը արդեն իսկ դրված է Գագիկ Ծառուկյանի կողմից, որը մշտապես իր ստեղծած անձնական կապերն ու հարաբերությունները օգտագործել է և շարունակում է օգտագործել ի նպաստ Հայաստանի և Արցախի։
