«Սեզոնային աբիժնիկները» կրկին ակտիվացել են

 

Այն որ «Առինջ մոլի» առևտրականների բողոքը դառնալու էր վերջին ժամանակների ամենաշատ լուսաբանվող ու շահարկվող թեման, պարզ էր ի սկզբանե։ Հայաստանում վաղուց նման հուժկու բողոքի ալիք չէր եղել։
Բայց այն, որ ինչ-որ մութ տեղերից կհայտնվեն կորած դեմքեր, ովքեր կփորձեն այս բողոքի ալիքի վրա սեփական ձեռքերը տաքացնել ու Գագիկ Ծառուկյանի անունը շահարկել, թերևս մի քիչ անսպասելի էր։ Անսպասելի էր ոչ թե այն պատճառով, որ նման մարդիկ չկան․ ցավոք սրտի այսօր դաշտը վխտում է «սեզոնային աբիժնիկներով», ովքեր տարբեր պրոցեսների ընթացքում հանկարծ դուրս են գալիս ջրի երես ու սկսում են հիշացնել իրանց մասին։ Անսպասելի էր այն պատճառով, որ առևտրականների արդարացի բողոքը շահարկման տեղիք չէր տալիս։
Բայց պարզվում է, որ նման դուրսպրծուկներ միշտ էլ լինում են, որոնք պատրաստ են անգամ «Առինջ մոլի» թեման ծառայեցնել իրենց շահերին։ Նման մեկն է նաև ոմն Տիգրան Հովհաննիսյանը, ով տևական փորձերից հետո վերջապես այսօր հաջողացրել է ասուլիսով հանդես գալ և ստոր ստեր խոսել Գագիկ Ծառուկյանի մասին։
Ցավոք ծախու դեմքերի այս ժամանակում ստեր բարբաջելը դարձել է սովորական երևույթ։Բայց Ծառուկյանին ժողովուրդը վաղուց է ճանաչում ու նման խաբեբաների ասածներով չէ, որ պետք է կարծիք կազմի նրա մասին։ Պարզապես սա դառնում է վատ ավանդույթ, երբ ամեն մի դուրսպրծուկ հնարավորություն է ստանում եթեր դուրս գալու ու կայքերում երևալու, ինչն էլ հնարավորություն է տալիս տիրաժավորելու նրանց ասած ստերը։ Գաղտնիք չէ, որ հայաստանյան լրատվադաշտը լցված է դեղին մամուլով, որոնք պատարստ են կուլ տալ ցանկացած սուտ՝ կեղծ սկանդալներ սարքելու և տարածելու համար։ 
Մի բան պարզ է դուրսպրծուկների կյանքը մի քանի օր է, ուստի այսօրինակ սրիկաների վաճառված խոսքերն էլ վաղը հօդս կցնդեն, մնում է պարզել թե այս անգամ ի՞նչքան գումարի դիմաց են հնչել ստերը ։