Հաղորդավարը զրկվեց գլխից հենց իր աշխատավայրում
ՀԱՍԱՐԱԿՈՒԹՅՈՒՆՀելլոյինի նախօրյակին, բրիտանական հեռուստաալիքներից մեկում, եղանակի տեսությունը ներկայացնող հաղորդավարը վախեցրեց և ապշեցրեց հեռուստոդիտողներին:
Ալեքս Դիկինը, որը ներկայացնում էր եղանակի տեսությունն, իր անսպասելի կատակով շփոթության մատնեց և ցնցեց հեռուստադիտողներին. Նա ներկայացնում էր եղանակի տեսությունը՝ սեփական գլուխը թևատակին բռնած: Հաղորդման ընթացքում նա ներկայացրեց սպասվելիք եղանակը նաև այնպիսի քաղաքներում, որոնք գոյություն չունեն: Զգուշացրեց հեռուստադիտողներին սպասվելիք արյունոտ անձրևի մասին, ինչպես նաև ներկայացրեց սարսափելի մանուշակագույն ամպերի մասին, որոնք շուտով կհայտնվեն Անգլիայի մի քանի քաղաքների երկնակամարում:
Արտասովոր լուսանկարն անմիջապես տարածվեց համացանցում: Իհարկե, բոլորին էլ պարզ էր, որ հաղորդավարի գլուխը «կտրվել» էր համակարգչային գրաֆիկայի միջոցով: Այնուամենայնիվ, հաղորդավարի արտասովոր և անսպասելի տեսքը շփոթության էր մատնել հեռուստադիտողներին: Կատակը լայն տարածում էր ձեռք բերել համացանցում և հավանության արժանացել:
