Եթե փոխզիջումներ չլինեն, ի՞նչ է սպասվում. Պատասխանում է Հունան Պողոսյանը

Քիչ առաջ լրագրողների հետ ճեպազրույցի ժամանակ ոստիկանության պետի տեղակալ Հունան Պողոսյանն ասաց, որ ոստիկանության պետի տեղակալ Հունան Պողոսյանը:

Ըստ նրա` այս պահին կա 5 պատանդ․ «Մեր պահանջներն են ազատ արձակել բոլոր պատանդներին, դադարեցնել իրավիճակի հետագա սրումը, դեն դնել զենքերն ու հանձնվել իշխանություններին»: Նա նաև նշեց, որ այս պահին բանակցություններ են ընթանում։

Զինված խմբի հետ բանակցությունների արդյունքում ազատ է արձակվել մեկ ոստիկան և շտապօգնության մեքենայի վարորդ. «Ազատ արձակված ոստիկանը պարեկապահակային ծառայության աշխատակից է, որն ազատ է արձակվել համապատասխան բանակցությունների միջոցով: Ներկայումս համապատասխան օպերատիվ հետախուզական և կանխարգելիչ միջոցառումները իրավապահ մարմինների կողմից շարունակվում են, պատշաճ ժամկետներում կտրվի ինֆորմացիա»:

Լրագրողներից մեկի այն հարցին՝ եթե փոխզիջումներ չլինեն, ի՞նչ է սպասվում, Հունան Պողոսյանն ասաց, որ եթե բանակցություններն արդյունավետ չլինեն, ոստիկանությունն ու իրավապահ համակարգը ի վիճակի են ձեռնարկել օրենքով թույլատրելի բոլոր միջոցառումները:

Նա նաև խոսեց երեկ Ազատության հրապարակում տեղի ունցած ակցիաների ժամանակ ոստիկանական գործողություններից։ Ոստիկանները բերման էին ենթարկել մի քանի տասնյակ անձանց։ Ըստ պարոն Պողոսյանի՝ նրանք բոլորն ազատ են արձակվել։ Ոստիկանության պետի տեղակալը տեղեկացրեց, որ այս օրերին այն անձիք, ովքեր կխանգարեն հասարակական կարգը բերման կենթարկվեն, իսկ ովքեր օրինապահ են, պատասխանատվության չեն ենթարկվի։