Հայ նախարարի զավեշտալի պատմությունը

Հայաստանի կառավարության անդամներից՝ կոնկրետ՝ նախարարներից մեկը, ում անունը չենք նշում և ով այսօր ներկա էր Երևանում Ֆրանսիայի դեսպանատանն՝ այդ երկրի ազգային տոնին՝ Բաստիլի գրավման օրվան նվիրված ընդունելությանը, զավեշտալի վիճակում է հայտնվել:

Զրույցի բռնվելով ներկաներից մի քանիսի հետ ու հիշելով Փարիզում անցկացրած օրերը՝ նախարարն ասել է, թե ինքը հատկապես տպավորված է Բաստիլի ամրոց այցով:

Ոմանք քմծիծաղ են տվել ու նույնիսկ ստուգողական հարց են տվել՝ վստա՞հ եք, որ Բաստիլ եք այցելել, ինչից հետո նախարարը պնդել է, թե նույնիսկ լուսանկար ունի պատմական այդ ամրոցի մոտ:

Իսկ երբ նախարարը հեռացել է, նրա զրուցակիցները մի լավ ծիծաղել են ու հիշել հայկական շոու բիզնեսի «երևելի» մի ներկայացուցչի պատմությունը, որ հարցազրույցներից մեկում պատմել էր, թե պավորվել է Փարիզի կենտրոնում գտնվող «դալան»-ով՝ նկատի ուներ Հաղթական կամարը:

Հիշեցնենք, որ Բաստիլը՝ Ֆրանսիայում քաղաքական բռնապետությունը մարմնավորող այդ ամրոցը, գրավման հենց օրը՝ 1789 թ. հուլիսի 14-ին քանդել են Փարիզի ապստամբած բնակիչները:

Հեղինակ՝

Ա. Գ.

Աղբյուրը HARTAK.am