Հայաստանում Beeline թիմը հաղթեց Digithon-2016 նորարարական գաղափարների միջազգային մրցույթում

Հայաստանում Beeline–ի աշխատակիցներից կազմված թիմը հաղթեց Եվրազիա Digithon-2016 նորարարական գաղափարների միջազգային մրցույթում։ Հաղթողների թիմը, որի մեջ ընդգրկված էին Հայաստանում Beeline–ի տեխնիկական և կոմերցիոն տնօրինության աշխատակիցներ, ներկայացրեցին BeeForce ծրագիրը. նոր լուծում ամպային տեխնոլոգիաների խաղերի ոլորտում։

Ծրագիրը նախնական փուլում հաղթել էր Digithon–ի տեղական մրցույթում, իսկ հուլիսի 10-11 Ղրղզստանում կայացած Եվրազիա Digithon-2016 միջազգային մրցույթում ճանաչվեց լավագույնը։ Այն երկրներում, որտեղ առկա է Beeline ապրանքանիշը, ընկերությունը BeeForce նախագծի հիման վրա նախատեսում է ստեղծել ծառայություն հաճախորդների համար։ Ծառայությունը հիմնված կլինի խաղային արդյունաբերությունում ամպային տեխնոլոգիաների օգտագործման վրա։

Հայտնի Hackathon–երի նման, միջոցառումը տևել է 24 ժամ։ Մրցույթի մրջազգային փուլում մասնակցեցին 7 թիմ՝ Հայաստանից, Վրաստանից, Ղազախստանից, Ղրղզստանից, Տաջիկստանից, Ուզբեկստանից և Ուկրաինաից։ Այն թիմերը, որոնք հաղթել էին տեղական մրցույթներում, մրցում էին, որպեսզի ստեղծեն նորարար հավելվածներ և ծառայություններ բիզնեսի և հաճախորդների համար։

Օդանավակայանում դիմավորելով հաղթող թիմին Հայաստանում Beeline-ի Գլխավոր տնօրեն Անդրեյ Պյատախինը նշեց. «Շնորհակալ եմ բոլորիցդ համարձակություն, ստեղծագործական և մասնագիտական մոտեցում ցուցաբերելու համար։ Մեզ համար շատ նշանակալի է առաջին թվային–մրցույթում հաղթանակը։ Մենք ցույց տվեցինք, որ Հայաստանում կապի միասնական օպերատոր Beeline–ը, որն ունի ամենահարուստ պատմությունը բիզնես միավորում, վստահ գնում է առաջ դեպի թվային աշխարհ, և մենք միանշանակ կարող ենք առաջարկել ժամանակակից լուծումներ մեր հաճախորդների համար»։

Նշենք, որ Digithon–ի նպատակն է նաև նոր ծրագրերի մշակումը՝ ուղղված Ընկերության թվային ռազմավարության զարգացմանը, աշխատակիցների ներգավմամբ արդի ապրանքների ստեղծմանը, թիմային աշխատանքի համար մաքսիմալ հարմարավետ միջավայրի ստեղծմանը, ինչպես նաև նորարարական լուծումների կիրառմանը ընկերության ներքին գործընթացներում։