Մարմնի լեզու. ինչպե՞ս հասկանալ, որ դուր եք գալիս նրան (Photo)
ՖՈՏՈ
Wnews.am-ը գրում է.
Նրանք. նայում են իրար, ստեղծվում է հետաքրքրություն, տարվածություն եւ խոսքերն ավելորդ են… սակայն ոչ բոլորս ենք կարողանում տարբերել ուշադրության նշանները, որոնք մեզ ուղարկվում են հակառակ սեռի կողմից։ Ինչպե՞ս սովորել եւ հասկանալ մարմնի լեզուն. Wnews.am-ը ներկայացնում է ժեստերի լեզվի մասին գրքերի հայտնի հեղինակ Ֆրանչեսկո Պադրինի մեթոդները։
Այն պահին, երբ կինն ու տղամարդը ցանկանում են ցուցադրել իրար հանդեպ համակրանքը, նրանք, ամենայն հավանականությամբ, հասցրել են շփվել։ Եթե նրանց միջեւ «ինչ-որ» բան է առաջանում՝ հետաքրքրություն, տարվածություն, ներքին կապ, ապա դա առանց բառերի էլ կարելի է հասկանալ։ Մարմնի լեզուն ոչ միանշանակ, ինքնատիպ միջոց է, որը կազմված է սեքսուալ ազդակներից՝ շարժումներ, դիրքեր, հայացքներ։
Գլխո՞վ, թե՞ մարմնով.
Ոչ բոլորն են ունակ հասկանալ ազդակները։ Նրանք, ովքեր սովոր են գործել ուղեղով, ավելի հեշտ է ուշադրության նշանները ցուցադրել խոսակցության միջոցով։ Մյուսները, ընդհակառակը, համաձայնության մեջ են իրենց մարմնի եւ էներգիայի հետ, ինչն էլ թույլ է առանց ավելորդ բառերի նվաճել պոտենցիալ կողակցի սիրտն ու զգացմունքները։
Ծանոթացեք երկու սեռերի ամենատարածված, ընդհանուր ազդակներին եւ օգտագործեք դրանք, երբ համակրանք եք զգում որեւէ մեկի հանդեպ։ Ինչպիսի՞ ազդակներն են բնորոշ երկու սեռերին.
Իգական սեռ.
Շատ կանայք ինտուիտիվ են ազդակներ հաղորդում, երբ տեսնում են գրավիչ տղամարդու։
Կանգնած. կինն ուղղվում է, փոքր-ինչ առաջ գալիս։ Հաճախ մի ոտքը փոքր-ինչ ծալված է։
Նստած. մեջքն ուղիղ է, կուրծքը՝ առաջ։ Որոշ կանայք նստում են ոտքի ոտքին գցած՝ հաճախ փոխելով դրանք։ Բացի այդ, նրանք աննկատ շոյում են ոտքը՝ ասես ստուգելով հագուստի տակ զուգագուլպայի առկայությունը: Երբեմն կարող են ճոճել թաթը՝ այն դեպի վեր ձգելով։
Ժպիտ. այն կարող է գրեթե աննկատ լինել կամ բաց եւ երջանիկ։ Որոշ կանայք փոքր-ինչ կծում են լեզուն կամ շուրթերը (զգացմունքային ժեստ, որն էապես տարբերվում է նյարդայնանալու ժամանակ շուրթերը կրծոտելու ժեստից)։
Նա հաճա՞խ է ուղղում վարսերը կամ նստած դիրքը. հավատացեք, դուք իրեն դուր եք գալիս։
Աչքեր. նա նայում է տղամարդու ուղիղ աչքերին եւ հայացքը պահում մի քանի վայրկյան եւ ոչ ավել։ Դրանից հետո նա փոխում է հայացքը, իսկ որոշ ժամանակ անց կրկին նույնը կրկնում։
Վարսեր. հաճախ է ձեռք տալիս դրանց, ձեռքերով անցկացնում դրանց միջով, ուղղում։ Ուշադիր եղեք. եթե նա վարսերը փաթաթում է մատին, դա ավելի շատ անհանգստության նշան է։
Դեմք. Այն կարող է արտահայտել հետաքրքրություն կամ ստրատեգիական պատկերացումներից ելնելով՝ անուշադրություն։ Բացակայում է տառապանքի եւ նյարդայնության նշանը։
Ձեռքեր. Նա շոյում է իրեն եւ դա ասես պոտենցիալ զուգընկերոջն ուղղված առաջարկ լինի. չէ որ այդ շոյանքները ստիպում են ձեռք տալ իրեն։ Նա թեթեւակի մատներով ձեռք է տալիս դեմքին՝ կանգ առնելով շուրթերի կամ աչքերի շուրջ կամ անցնելով վարսերին, որպեսզի ուղղի դրանք։
Շարժումներ. Կարեւոր պահ. կինը հաճախ է փոխում դիրքը անբնական կերպով։ Նա կարող է միանգամից մոտենալ տղամարդուն՝ ինտիմ հեռավորություն ստեղծելով, հետո հեռանալ, ինչն էլ շատ գրավիչ է թվում։
Քայլվածք. Նա քայլում է կոնքերը շարժելով։ Ի դեպ, այդ շարժումները չպետք է լինեն չափազանցված, քանի որ կարող են վուլգար երեւալ։
Արական սեռ.
Ազդակների տղամարդու արսենալն ավելի քիչ է։ Պատկերացրեք տանգո պարող տղամարդու. նա չի կատարում որեւէ շարժում, այլ ընդհակառակը՝ շարժվում է հանգիստ ինքնավստահությամբ՝ թույլ տալով զուգընկերուհուն կենտրոնանալ իր արտիստիզմի վրա։
Կանգնած. Ուղղում է մեջքը, ուսերը, կուրծքը։ Նա ամուր կանգնած է գետնին, ավելորդ շարժումներ չի անում։ Նա կարող է կանգնել ինչ-որ բանի հենվելով՝ ավտոմեքենա, մոտոցիկլ եւ այլն, եւ այնտեղից աչքերով «կրակելով»։
Նստած. մեջքն ուղիղ է, ուսերը՝ թույլ, ձեռքերը` սեղանին։ Նրա դիրքը բնական է, երբեմն կարող է ոտքը ոտքին գցել։
Նա կրճատում է իրենց միջեւ հեռավորությունը, առաջ գալիս դեպի իգական սեռը, հաճախ աննկատ նրան դիպչում, ասես պատահաբար։
Հայացք. Յուրաքանչյուրն իր ոճն ունի։ Ինչ-որ մեկը փոքր-ինչ փակում է աչքերը։ Երբեմն տղամարդկանց հայացքն ավելի տեւական եւ խորաթափանց է, քան կանանցը։ Ոմանք նախընտրում են բաց, ուրախ եւ անհոգ, ասես մանկական հայացք։
Ձեռքեր. Առավել հաճախ դրանք դիտանկյունում են։ Ժեստերը փափուկ են, հավասարաչափ։ Երբեմն նա ուղղում է փողկապը։
Շարժումներ. ամենակարեւորը նրա ինքնավստահությունն է։ Նա կրճատում է իրենց միջեւ հեռավորությունը, առաջ գալիս դեպի իգական սեռը, կարող է աննկատ դիպչել նրան։
Եթե տղամարդը լավ մարզված վիճակում է, նա անպայման դա ցուցադրում է իրեն դուր եկած կնոջը։ Դա կարող է դրսեւորվել նաեւ նեղ հագուստին նախապատվություն տալով։
