Մելանյա Թրամփին ծաղրել են Տեխասի ջրհեղեղի գոտի այցելելիս բարձրակրունկներ կրելու համար (լուսանկարներ)
ՄԻՋԱԶԳԱՅԻՆ
ԱՄՆ առաջին տիկին Մելանյա Թրամփը, ով հայտնի է հագուստի հարցում իր էլեգանտ ոճով, ծաղրի է արժանացել «Հարվի» փոթորկից տուժած Տեխաս ուղևորության համար հագուստի ընտրության հարցում, գրում է The Daily Mail-ը:
ԱՄՆ նախագահ Դոնալդ Թրամփը և նրա կինը Վաշինգտոնից 100 կիլոմետր հյուսիս-արևմուտք գտնվող Քեմփ-Դևիդ նախագահական կեցավայրից դուրս են եկել Տեխաս այցելելու համար: ԶԼՄ-ների և սոցիալական մեդիաների օգտատերերի ուշադրությունը գրավել է այն, որ 47-ամյա Մելանյա Թրամփն ուղևորության համար բավական տարօրինակ հագուստ է ընտրել: Մինչ Թրամփը կրել է քամիների և անձրևների համար համապատասխան բաճկոն, նրա կինն ասես պատրաստվել է «Լավագույն հրաձիգը» ֆիլմի մոտիվներով նորաձևության ֆոտոսեսիայի՝ իր սև տաբատով, կանաչ թրենդային բաճկոնով և Manolo բարձրակրունկ կոշիկներով՝ նմանվելով 1986 թվականի ֆիլմում Թոմ Քրուզի կին տարբերակին:
Ամերիկացիներն անմիջապես Twitter-ում ծաղրի են ենթարկել առաջին տիկնոջ ընտրությունը: Ի վերջո, մինչ Տեխաս հասնելը Մելանյա Թրամփը փոխել է իր հանդերձանքը և բարձրակրունկները փոխարինել համեմատաբար ավելի համապատասխան սպիտակ սպորտային կոշիկներով:
«Մելանյան 15 սանտիմետրանոց կրունկներ է հագել աղետի գոտի այցելելու համար: Այս մարդիկ պարզապես…»,- գրել է օգտատերերից մեկը:
