Այս աղջնակին փոքր ժամանակ «չունգա-չանգա» էին անվանում, իսկ հիմա շատերը երազում են նրա հայացքին արժանանալու համար
ՖՈՏՈ
Երբեմն մանկահասակ աղջիկները ոչ գրավիչ արտաքին են ունենում իրենց հասակակիցների համեմատ, բայց դա ոչինչ չի նշանակում, ավելին, մեծանալով՝ նրանք անսպասելիորեն վերածվում են իսկական գեղեցկուհիների: Ներկայացնում ենք հայտնի մոդել Իրինա Շեյքի պատմությունը:
Իրինան ծնվել է 1986թ. հունվարի 6-ին բաշկիրական մի փոքրիկ ավանում: Ընտանիքը տեղափոխվել է հանքագործների քաղաք Չելյաբինսկ՝ ավելի լավ կյանքի փնտրտուքով:
Ընտանիքը կերակրելու համար Իրինայի հայրը առավոտից իրիկուն աշխատել է հանքում: Երբ Իրինան 14 տարեկան է եղել, հայրը մահացել է ծանր հիվանդությունից:
Թեկուզ հոր կենդանության օրոք Իրինան երջանիկ մանկություն չի ունեցել: Միայն պատանեկան տարիքում նա սկսեց գնահատել իր բարձր հասակը և ծնողներից ժառանգած հետաքրքիր արտաքինը:
Դպրոցում նրան հաճախ ծաղրել են՝ անվանելով «փայտ», «մայիսյան ծառ», «չունգա-չանգա»: Նա հաճախ էր արցունքներն աչքերին տուն վերադառնում: Անճոռնի ճուտիկի մասին պատմություններն էլ չէին օգնում, որ Իրինան հանգստանա և տխրությունը փարատելու համար նա սկսեց զբաղվել երաժշտությամբ:
Իր ձախլիկ լինելը Իրինան նույնպես թերություն էր համարում՝ ստիպված լինելով անընդհատ լսել ուսուցիչների նախատինքները: Նա միշտ ստիպված է եղել ապացուցել, որ ինքը մյուսներից ոչնչով պակաս չէ: Շուտով Իրինայի կյանքը հիմնովին փոխվեց:
Դպրոցն ավարտելուց հետո Իրինան մեկնում է Չելյաբինսկ՝ ավագ քրոջ մոտ, ընդունվում տնտեսագիտական քոլեջ և սկսում հաճախել մոդելային ստուդիա: Ահա այստեղ էլ նա ամբողջովին բացահայտում է իրեն:
Ավելի համարձակություն ձեռք բերելով՝ Իրինան մասնակցում է տեղի գեղեցկության մրցույթին և հաղթող ճանաչվում: Այնուհետև Իրինան Մոսկվայում է մասնակցում գեղեցկության մրցույթի և նույնպես հաղթող է ճանաչվում: Նրան անմիջապես նկատում է Գիա Ջիկաձեն, որ զբաղվում էր մոդելների կարիերայի պրոդյուսերությամբ:
Մի քանի շաբաթ անց Իրինան արդեն հաջողությամբ սկսեց աշխատել Եվրոպայի հեղինակավոր նորաձևության հարթակներում: Սակայն նրա համար հեշտ չէր. օտար լեզվի չիմացությունը և մասնագիտական հարուստ անցյալի բացակայությունը բամբասանքների առիթ էին դարձել մոդելային ոլորտում:
Իրինան, սեղմելով ատամները, համառորեն առաջ էր գնում, և շուտով նրան բոլորը սկսեցին նախանձել:
Այսօր Իրինան ամենամեծ պահանջարկ ունեցող մոդելներից է: Նրա անձնական կյանքը, ճիշտ է, չստացվեց հայտնի ֆուտբոլիստ Կրիշտիանու Ռոնալդուի հետ, փոխարենը Իրինան ամուսնացավ հայտնի դերասան Բրեդլի Կուպերի հետ: 2016թ. նրանք ճոխ հարսանիք արեցին, 2017թ. ծնվեց նրանց դուստրը:
