Որտեղից դատարանի նախագահին այս միլիոնները՝ ապշել կարելի է

politik.am-ը գրում է.

Հայաստանում դատավորները այն պետական պաշտոնյաներն են, որոնք ոչ մեծ աշխատավարձով կարողանում են մի քանի տարվա ընթացքում ֆանտաստիկ կարողություն դիզել: Բոլոր գիտեն և բոլորն են խոսում մեր դատական համակարգի կոռումպացվածության մասին:

Չնայած այս հանգամանքին մեր դատավորները շարունակում են հարստանալ և չբացատրել, թե որտեղից իրենց այդ գումարները:

Այս անգամ Politik.am-ի ուշադրության կենտրոնում է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի նախագահ Արմեն Դանիելյանն է: Նա դատարանի նախագահ է նշանակվել 2013 թվականին` Սերժ Սարգսյանի հրամանագրով:

Ըստ Բարձրաստիճան պետական պաշտոնյաների էթիկայի հանձնաժողով ներկայարցած հայտարարգրի դատարանի նախագահը մեծ կարողության է տիրապետում: Ըստ 2013 թվականին ներկայացված հայտարագրի դատավորը ունի երեք բնակարան` բազմաբնակարան բնակելի շենքում: Հետաքրքիր է, որ նա 2012 թվականին ներկայացված հայտարարգում չի ներկայացրել այս բնակարանները և 2013 թվականի հայտարարգրում չի էլ ներկայացրել այս բնակարանները գնե՞լ է, թե՞ նվեր է ստացել` ինչպես մեր շատ դատավորներ:

Ըստ 2015 թվականի հայտարարգրի դատարանի նախագահի դրամական միջոցները կազմում են. 18 միլիոն 500 հազար դրամ, 245 հազար դոլար (կամ 110 միլիոն դրամ), 148 հազար եվրո (կամ մոտ 80 միլիոն դրամ): Սա այն դեպքում, երբ նա ստացել է տարեկան 8 միլիոն դրամից քիչ ավելի աշխատավարձ:

Ըստ իր նախորդ տարիների հայտարարագրերի Արմեն Դանիելյանը 2011 թվականին ունեցել է BMW X5 4.4 ավտոմեքենա և այն հարկային տարվա ավարտին վաճառել 50 հազար ԱՄՆ դոլարով: Իսկ արդեն 2013 թվականին ունեցել LEXUS LX 570 մակնիշի ավտոմեքենա:

Աղքատ չէ նաև Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի նախագահ Արմեն Դանիելյանի կինը` Էլզա Աղաբաբյանը, նրա կարողությունը 2015 թվականին կազմել է 32 միլիոն դրամ:’
Հասկանալու համար, թե որտեղից Արմեն Դանիելյանին այս կարողությունը եկեք ուսւոմնասիրենք նրա պաշտոնական կենսագրությունը.
Ծնվել է 1974 թվականին Երևան քաղաքում։

1991թվականին ընդունվել է Երևանի Ժողովրդական տնտեսության ինստիտուտ, որը ավարտել է 1997 թվականին՝ ստանալով տնտեսագետի որակավորում։
1996 թվականից մինչև 1998 թվականը ծառայել է Զինված ուժերում։
1998 թվականին ընդունվել է ԵՊՀ իրավաբանական ֆակուլտետը, որն ավարտել է 2002 թվականին։

1999 թվականից մինչև 2002 թվականն աշխատել է ՀՀ Քրեական և զինվորական գործերով վերաքննիչ դատարանում՝ որպես դատավորի օգնական։
2002 թվականից մինչև 2007 թվականն աշխատել է ՀՀ Վերաքննիչ քրեական դատարանում՝ որպես աշխատակազմի ղեկավար։

2007 թվականին աշխատել է Երևան քաղաքի Կենտրոն և Նորք-Մարաշ համայնքների առաջին ատյանի դատարանի աշխատակազմի ղեկավար։
2007 թվականից մինչև 2009 թվականն աշխատել է Երևան քաղաքի Կենտրոն և Նորք-Մարաշ համայնքների ընդհանուր իրավասության դատարանի դատավոր:

2009 թվականից աշխատում է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի դատավոր:
2013 թվականի հուլիսի 16-ին ՀՀ Նախագահի հրամանագրով նշանակվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի նախագահ:

Հ.Գ. Ահա այսպես, իր ողջ գիտակցական կյանքում պետական մարմիններում աշխատած իրավաբանը, ոչ բարձր աշխատավարձով կարողացել է և ընտանիք պահել, և միլիոններ դիզել: Կարելի է խնդրել Արմեն Դանիելյանին, որպեսզի նա իր փորձով կիսվի ՀՀ մյուս քաղաքացիների հետ, եթե իհարկե իր փորձը օրինականության շրջանակում է: