Ինքնաբավարարումը վտանգավո՞ր է
ԱՄԵՆԱԸՆԹԵՐՑՎԱԾ
Հարց.
Ինքնաբավարարումը վտանգավո՞ր է, ի՞նչ հետևանքներ այն կարող է ունենալ:
Պատասխան.
Ոչ, ինքնաբավարարումը վտանգավոր չէ:
Ինքնաբավարարումը (մաստուրբացիան) սեփական սեռական օրգաններին ձեռք տալու միջոցով սեքսուալ գրգռվածություն և հաճույք ստանալն է՝ սովորաբար այն հասցնելով օրգազմի (սեքսուալ հաճույքի գագաթնակետի): Սովորաբար դա արվում է հպվելով, շոյելով կամ մերսելով առնանդամը կամ ծլիկը, այնքան, մինչև օրգազմի հասցվի:
Բացի նրանից, որ այն դուրեկան է, ինքնաբավարարումը նաև լավ միջոց է հանդարտեցնելու սեքսուալ էներգիան, որը կուտակվում է ժամանակի ընթացքում, հատկապես այն մարդկանց մոտ, ովքեր սեռական զուգընկեր չունեն, կամ որոնք զուգընկերոջ/զուգընկերուհու հետ սեքսով չեն զբաղվում: Ինքնաբավարարումը նաև ապահով սեռական այլընտրանք է այն մարդկանց համար, ովքեր ցանկանում են խուսափել հղիությունից և սեռավարակի վտանգներից:
Նախկինում այն համարվում էր այլասերվածություն և հոգեկան հիվանդության նշան, որոշ մշակույթներում և կրոններում ինքնաբավարարումն արգելված է, կամ նույնիսկ պիտակավորված է որպես մեղք: Այդ պատճառով դա կարող է մեղքի և ամոթի զգացում առաջացնել: Սակայն ներկայումս ինքնաբավարարումը համարվում է նորմալ, առողջ սեռական գործողություն, որը հաճելի է, բավարարող, ընդունելի և ապահով: Դա սեռական հաճույք ստանալու մեկ այլ տարբերակ է և այն կարելի է անել ամբողջ կյանքի ընթացքում:
Ընդհանրապես, բժշկական ասպարեզը ինքնաբավարարումը համարում է սեքսուալության արտահայտման բնական և անվնաս ձև թե’ կանանց (աղջիկների) և թե’ տղամարդկանց համար: Դրանից ոչ ոք ֆիզիկական վնասներ չի ստանում, և ընդհանրապես, մարմնին ոչ մի վտանգավոր բան չի պատահում: Ինքնաբավարարմամբ կարելի է զբաղվել չափավոր` ամբողջ կյանքի ընթացքում, որպես նորմալ սեռական կյանքի մի մաս:
Որոշ մասնագետներ առաջարկում են, որ ինքնաբավարարումը փաստացիորեն կարող է լավացնել սեռական առողջությունն ու հարաբերությունները: Ինքնաբավարարման միջոցով քո սեփական մարմինն ուսումնասիրելով` կարող ես հասկանալ, թե ինչն է քեզ դուր գալիս և այդ մասին կարող ես կիսվել զուգընկերոջդ հետ:
Որոշ զուգընկերներ փոխադարձաբար են ինքնաբավարարվում, որպեսզի ավելի բավարարիչ սեռական հարաբերությունների նոր ձևեր հայտնագործեն և իրենց ինտիմ հարաբերություններին նոր շունչ հաղորդեն:
