Ծանոթ ու միարժամանակ անհայտ … Ապերոլա կոկտեյլ

Սպրիտցը մի յուրահատուկ կոկտեյլ է, որը Վենետիկ այցելող յուրաքանչյուր ճանապարհորդ պետք է փորձի։ Այնտեղ այն գրեթե միշտ մատուցվում է Ապերոլա անունով հատուկ դառը կոկտեյլի տեսքով։ Այդ ըմպելիքը ստեղծվել է դեռևս 1919 թվականին և սկզբում օգտագործվել է որպես նուրբ ապերիտիվ. ոսկեգույն, դառը քաղցր ըմպելիքի մի բաժակը ուտելուց առաջ մեծապես  է բացում ախորժակը։ Սակայն շուտով այն ավելի ու ավելի է սկսել փոխարինել Կամպարիին սպրիտց կոկտեյլներում։ Արդյունքում, Ապերոլա սպրիտցը Վենետիկում դարձել է պաշտամունքային ըմպելիք։ Այդ զարմանահրաշ քաղաքում օրական սպառվում է այդ անուշաբույր, թարմացնող կոկտեյլի առնվազն 300,000 բաժին, դա մոտ 200 կոկտեյլ է մեկ րոպեում։

Այդ թեթև, թույլ թնդության ալկոհոլային ապերիտիվը մշակվել է ընտանեկան Barbieri ընկերության կողմից, որը գտնվում է Իտալիայի Պադուա քաղաքում։ Ապերոլան պարունակում է մոտ 30 տարբեր բնական բուսաբանական բաղադրիչներ։ Հաստատ հայտնի է, որ դրանք ներառում են նարնջի կեղև, ռևեն, գենտիան, կինոնայի հատապտուղներ և Պիեմոնտ շրջանի (Հյուսիսային Իտալիա) էնդեմիկ որոշակի խոտաբույսեր։

Երկրորդ համաշխարհային պատերազմից հետո, երբ կյանքը Եվրոպայում աստիճանաբար սկսել էր բարելավվել, Ապերոլան արագորեն է ձեռք բերել ժողովրդականություն: Դա հիմնականում պայմանավորված էր այն Սպրիտցին ավելացնելու գաղափարով: Ցավոք, հիմա անհնար է պարզել, թե ո՞վ է առաջինը մտածել այդ գաղափարի մասին: Բայց այն տարածվել է հրդեհի պես, քանի որ հաջողակ էր կոկտեյլի բոլոր բաղադրիչների համադրությունը: 1950-ականներին հաճախ կարելի էր տեսնել գովազդներ, որոնք պնդում էին, որ Ապերոլան ամռան առաջին օրվա կատարյալ ուղեկիցն է: Կարելի է վստահորեն ասել, որ այդ կարգախոսը  արդիական է մնում նաև այսօր: Ի՞նչը կարող է ավելի հաճելի լինել շոգին, քան երեք մաս Պրոսեկոյի, երկու մաս Ապերոլայի և մեկ մաս գազավորված ջրի խառնուրդը՝ սառույցով և ծածկված  նարնջի կտորով: Այդ ըմպելիքը կատարյալ է զով, մութ բարում նստելու կամ լողափում արևայրուքի շեզլոնգին հանգստանալու և յուրաքանչյուր կումը դանդաղորեն վայելելու համար:

Ապերոլան բազմաթիվ հեղինակավոր մրցանակներ է շահել միջազգային ցուցահանդեսներում: 2004 թվականից ի վեր այն Campari Group-ի մաս է կազմում և ներկայումս Իտալիայի թիվ մեկ ապրանքանիշն է, որտեղ այդ դառը ըմպելիքի վաճառքը տարեկան կազմում է մոտ 20 միլիոն լիտր։ Այն նաև համաշխարհային շուկայում ամենաարագ զարգացող հինգ ալկոհոլային ապրանքանիշերից մեկն է։

Ապերոլան հասանելի է նաև երևանյան հաստատություններում, օրինակ այն կա Red Bridge–ի և EL SKY BAR-ի ճաշացանկերում։ Որոշ հաստատություններում այն ​​հատուկ նշված է որպես Ապերոլա սպրիտց, այլ ոչ թե պարզապես «սպրիտց», օրինակ Diving in Armenia-ն այն նշում է իր բարի ճաշացանկում։ Նաև հայկական առցանց գովազդներում են նշում Ապերոլայի 1 լիտրանոց շշեր, որոնք հաստատում են ապրանքի ներկայությունը տեղական շուկայում։

Կ.Խաչիկյան