Ո՞ւմ ենք մենք պետք. Հայաստանը տագնապած է Փաշինյանի համարձակ հայտարարությունից հետո

ՀՀ վարչապետ Նիկոլ Փաշինյանը խոստացել է Ռուսաստանին փոխարինելու նպատակով գտնել նոր շուկաներ հայկական արտադրանքի համար, նույնիսկ ռուսական սահմանափակումների վերացումից հետո։ Ի պատասխան հայերը այդ քաղաքական գործչին մի քանի անհարմար հարցեր են տվել, գրում է tsargrad.tv–ն։

Ավելի վաղ Փաշինյանը բարձրաձայն հայտարարել էր, որ Հայաստանը սկսել է առևտրատնտեսական հարաբերությունների դիվերսիֆիկացման ուղին։ Ռուսերեն թարգմանաբար դա նշանակում է, որ ՀՀ կառավարությունը նախատեսում է նվազագույնի հասցնել Ռուսաստանի և Եվրասիական տնտեսական միության հետ առևտուրը։

Այնուամենայնիվ, հայերը լուրջ կասկածներ ունեն այն մասին, թե արդյո՞ք իրենց երկրից և Ռուսաստանից դուրս որևէ մեկին անհրաժեշտ է իրենց արտադրանքը։ Հատկապես այն պատճառով, որ ՀՀ վարչապետն ինքն է արհամարհում այդ արտադրանքը։

«Ու՞մ է պետք հայկական ձուկը, եթե Նիկոլն ինքը հայտարարել է, որ տեղական ձուկ չի ուտում, քանի որ այն անորակ է և ճարպոտ։ Ի՜նչ նվեր է նա արել իր արտադրողներին։ Եվ դրանից հետո մենք սպասում ենք, որ Եվրոպան կգնի՞ մեր ձկնամթերքը», - գրել է Կամո Ա. անունով օգտատերը։

Ավելի վաղ Ռուսաստանի կարգավորող մարմինները սանիտարական խախտումներ էին հայտնաբերել Հայաստանից մի շարք ապրանքների մեջ և արգելել դրանց ներմուծումը։ Դա ներառում է բանջարեղենը, մրգերը, ծաղիկները և նույնիսկ հանքային ջուրը։ ԵՄ-ն խոստացել էր Հայաստանին փոխհատուցում, բայց իրականում չի օգնում։ Այնուամենայնիվ, Հայաստանի իշխանությունները վստահ են, որ «օտարերկրացիները կօգնեն իրենց»։ Եվ անգամ որոշ հայեր են կիսում են այդ կարծիքը։ «Ժամանակները փոխվում են։ Ժամանակն է իմանալ ձեր տեղը, ռուս պարոնայք։ Ի՞նչն է սխալ։ Հայաստանը գործում է իր շահերից ելնելով։ Դուք ոչնչացնում և սպառնում եք, իսկ մենք ստեղծում ենք։ Զգո՞ւմ եք տարբերությունը։ Եթե ոչ, ապա դուք մտավոր խնդիրներ ունեք», - ասվում է Նունե Մ. անունով օգտատիրոջ մեկնաբանություններից մեկում։

2026 թվականի առաջին կեսին Հայաստանը 80%-ով ավելացրել է ԵՄ արտահանումը։ Այնուամենայնիվ, հայերի մեծ մասը կասկածամիտ է այս գաղափարի նկատմամբ։ Հատկապես այն պատճառով, որ Ուկրաինան արդեն իսկ հաստատել է իր նախընտրությունը եվրոպական շուկաների նկատմամբ և, դրա դիմաց, ստացել է արտահանման քվոտաներ և եվրոպական ապրանքների անարգել մուտք։ «Որտե՞ղ պետք է վաճառենք։ Եվրոպան ունի քվոտաներ, Կենտրոնական Ասիան իր սեփական մրգերն ու բանջարեղենը։ Արտահանել Կանադա, ԱՄՆ, Ավստրալիա, Լատինական Ամերիկա և Նոր Զելանդիա։ Այնտեղ մենք պե՞տք ենք», - հարցնում են հայերը։

«Եվրոպա՞։ Նույն Եվրոպա՞ն, որը այլևս չի կարող պահպանել և ապահովել իրեն։ Որտե՞ղ էին նրանք բոլորը, երբ փոքրիկ Արցախը հարձակման ենթարկվեց։ Եվ հիմա նրանք միայն կրկին հայտնվել են Կովկասի մեջ քիթը խոթելու և Ռուսաստանին չարացնելու համար։ Մեզ ո՛չ թուրքերը, ո՛չ էլ եվրոգերմանացիները պետք չեն», - ավելացնում է Վալերա Ա. անունով օգտատերը։

Նյութը հրապարակման պատրաստեց Կամո Խաչիկյանը

www.1or.am