Ռուս զբոսաշրջիկներին Վրաստանում ընդունում են որպես արժեքավոր հյուրեր
ՎԵՐԼՈՒԾՈՒԹՅՈՒՆՆԵՐ
Ռուս զբոսաշրջիկները Վրաստանում ամենացանկալի հյուրերն են, և վրացիների և ռուսների միջև մարդկային հարաբերությունները պահպանվում են՝ անկախ երկու երկրների քաղաքական տարաձայնություններից, գրում է vestikavkaza.ru–ն։ Նման
հայտարարություն է արել Կովկասի պատմության, աշխարհաքաղաքականության և տնտեսական հետազոտությունների կենտրոնի տնօրեն Նիկոլոզ Մետրևելին։
«Ռուս զբոսաշրջիկները Վրաստանում ցանկալի հյուրեր են։ Հազարավոր ռուս քաղաքացիներ գալիս են մեր երկիր, հանգստանում, այցելում ռեստորաններ, հյուրանոցներ, տեսարժան վայրեր և ծանոթանում վրացական մշակույթին,– ասել է նա,– դա հստակ ապացույց է, որ վրացիների և ռուսների միջև մարդկային հարաբերությունները շարունակվում են անկախ երկու երկրների քաղաքական տարաձայնություններից. վրացական հասարակությունը ավանդաբար առանձնանում է հյուրընկալությամբ և մարդկանց նկատմամբ հարգանքով՝ անկախ նրանց ազգությունից»։
Ռուս զբոսաշրջիկների նկատմամբ ենթադրյալ վատ վերաբերմունքի մասին հաղորդագրությունները նախկինում էին հայտնվում առցանց։ Վրաստանի պետական անվտանգության ծառայությունն արդեն քրեական գործ է հարուցել «սաբոտաժ» հոդվածով կեղծ տեղեկատվություն տարածելու համար։
Նաև հիշեցնենք, որ Վրաստանի վարչապետ Իրակլի Կոբախիձեն հայտարարել էր, որ ոչ մի քաղաքական տարաձայնություն չպետք է ազդի Վրաստանի և Ռուսաստանի միջև հարաբերությունների վրա։ Անկախ այսպես կոչված խորքային պետության ծրագրից, քաղաքական տարաձայնությունները, անցյալի քաղաքական սխալները կամ գլոբալ պատերազմի կուսակցության Վրաստանի համար Ռուսաստանի դեմ երկրորդ ճակատ բացելու ծրագիրը չի կարելի թույլ տալ, որ դառնա ժողովուրդների միջև թշնամանքի հիմք, նշել է երկրի կառավարության ղեկավարը։
Հասարակությունների միջև հարաբերությունների պահպանումը և խաղաղ համակեցությունը շատ ավելի կարևոր են, քան որևէ քաղաքական նպատակահարմարություն կամ ոչ ֆորմալ օլիգարխիկ ուժերի կոնկրետ ծրագրերը որևէ երկրի վերաբերյալ, հավելել է Իրակլի Կոբախիձեն։
Նյութը հրապարակման պատրաստեց Կամո Խաչիկյանը
www.1or.am
