Կլասիկոյի նոր գույները․ «Բարսելոնա»-ն և «Ռեալ»-ը ներկայացրել են արտագնա խաղերի համար նախատեսված խաղաշապիկները
ՍՊՈՐՏ
Իսպանական ֆուտբոլի երկու գրանդները՝ Կատալոնական «Բարսելոնան» և Մադրիդի «Ռեալը», պաշտոնապես ներկայացրել են 2026/2027 մրցաշրջանի արտագնա խաղերի համար նախատեսված իրենց նոր համազգեստները։ Երկու ակումբներն էլ անակնկալ են մատուցել երկրպագուներին՝ ընտրելով յուրահատուկ դիզայն և խիզախ գունային լուծումներ։
Կատալոնական ակումբը շարունակում է իր ռազմավարական համագործակցությունը Nike-ի և լեգենդար բասկետբոլիստ Կոբի Բրայանտի ապրանքանիշի հետ, որը մեկնարկել էր դեռ նախորդ մրցաշրջանում։ Նոր համազգեստը ոգեշնչված է Կոբիի էսթետիկայով և կառուցված է ընդհանուր արժեքների՝ մրցունակության, հավակնոտության ու կատարելության հասնելու անզիջում ձգտման վրա։
Մարզաշապիկի հիմնական՝ սև գույնն ընդգծում է վճռականությունն ու պայքարող ոգին։ Ներքևի հատվածում այն աստիճանաբար վերածվում է մանուշակագույնի՝ մի գույնի, որն անքակտելիորեն կապված է Բրայանտի փառահեղ մարզական կարիերայի հետ։ Համազգեստը զարդարված է ոսկեգույն դետալներով, որոնք խորհրդանշում են տիտղոսներ նվաճելու մշտական նպատակը, իսկ նուրբ գրաֆիկական տարրերն ուղիղ հղում են Կոբի Բրայանտի ֆիրմային ոճին։
Իսպանական ֆուտբոլի երկու գրանդները՝ Կատալոնական «Բարսելոնան» և Մադրիդի «Ռեալը», պաշտոնապես ներկայացրել են 2026/2027 մրցաշրջանի արտագնա խաղերի համար նախատեսված իրենց նոր համազգեստները։ Երկու ակումբներն էլ անակնկալ են մատուցել երկրպագուներին՝ ընտրելով յուրահատուկ դիզայն և խիզախ գունային լուծումներ։
Կատալոնական ակումբը շարունակում է իր ռազմավարական համագործակցությունը Nike-ի և լեգենդար բասկետբոլիստ Կոբի Բրայանտի ապրանքանիշի հետ, որը մեկնարկել էր դեռ նախորդ մրցաշրջանում։ Նոր համազգեստը ոգեշնչված է Կոբիի էսթետիկայով և կառուցված է ընդհանուր արժեքների՝ մրցունակության, հավակնոտության ու կատարելության հասնելու անզիջում ձգտման վրա։
Մարզաշապիկի հիմնական՝ սև գույնն ընդգծում է վճռականությունն ու պայքարող ոգին։ Ներքևի հատվածում այն աստիճանաբար վերածվում է մանուշակագույնի՝ մի գույնի, որն անքակտելիորեն կապված է Բրայանտի փառահեղ մարզական կարիերայի հետ։ Համազգեստը զարդարված է ոսկեգույն դետալներով, որոնք խորհրդանշում են տիտղոսներ նվաճելու մշտական նպատակը, իսկ նուրբ գրաֆիկական տարրերն ուղիղ հղում են Կոբի Բրայանտի ֆիրմային ոճին։
Մադրիդի «Ռեալն» ու adidas-ն իրենց հերթին երկրպագուների դատին են հանձնել մուգ կանաչ արտագնա համազգեստը՝ կաթնագույն դետալներով։ Այն անցյալում արդեն կիրառված գունային համադրության ժամանակակից և նորաձև վերաիմաստավորումն է։
Շապիկն առանձնանում է նուրբ երկրաչափական նախշերով, որոնցում գաղտնագրված են ակումբի սկզբնատառերը, ինչպես նաև ժամանակակից օձիքով՝ կաթնագույն եզրագծով։ Հատկանշական է, որ դիզայնում տեղ է գտել նաև adidas-ի դասական եռատերև լոգոտիպը, որը կապում է պրոֆեսիոնալ ֆուտբոլային մշակույթը խաղադաշտից դուրս առկա նորաձևության և առօրյա ոճի հետ:
Բարձրագույն մակարդակի մրցելույթների համար նախատեսված այս մարզաշապիկը ստեղծված է նորագույն climacool+ տեխնոլոգիայով, որն ապահովում է խոնավության հեռացումն ու օպտիմալ օդափոխությունը խաղադաշտում։ Նոր համազգեստն արդեն հասանելի է արքայական ակումբի և գերմանական բրենդի պաշտոնական խանութներում։
