Դատավորները իրականացրել են  ԲԴԽ նախագահի ընտրություն. պատմության այս օրը (19 հուլիս)

ՈՐՈՇ ՏՈՆԵՐ- Նիկարագուա՝ Հեղափոխության օր, Մյանմա՝ Ազանինեյ:

ՀԱՅԱՍՏԱՆՈՒՄ

1919-հայ-թուրքական պետերազմի ընթացքում Ղարաքեշիշյանի շարասյանը հաջողվել է դուրս գալ Բաշ-Նորաշենի շրջափակումից և տեղի հայ բնակչության հետ բարձրանալ Արփա-չայի հունով դեպի Էրիվանի և Դարալյագազի բարձրադիր հատվածներ։ 

1934– վախճանվել է գրող, մանկավարժ, հասարակական գործիչ Սիպիլը Զաբել Հովհաննեսի Խանջյանը:

 2004-սկսվել է Իրան – Հայաստան գազամուղի իրանական 100 կիլոմետրանոց հատվածի կառուցումը:

2005-կայացել են ԼՂՀ չորրորդ գումարման Ազգային ժողովի պատգամավորների ընտրություններ, որտեղ ամենաշատ ձայներ ստացել է Արցախի ժողովրդավարական կուսակցությունը։

2007-կայացել է  ԼՂՀ նախագահական չորրորդ ընտրությունները։ ԼՂՀ նախագահ է ընտրվել Բակո Սահակյանը։

-Ճանապարհային ոստիկանությանը սկսել է «գոլդ» պետհամարանիշները  աճուրդով վաճառել: 

2010– վախճանվել է գրող, արձակագիր Ռաֆայել Նահապետյանը:

2011– վախճանվել է նշանավոր կոմպոզիտոր Կարեն Խաչատրյանը:

2012- Լեռնային Ղարաբաղում անց են կացվել նախագահական ընտրություններ` գործող նախագահ Բակո Սահակյանը վերընտրվել է:

2014-երեկոյան մի խումբ անձանց կողմից ծրագրված հարձակում է իրականացվել Թբիլիսիի Սուրբ Էջմիածին եկեղեցու հոգևոր դասի և հավատացյալների վրա:

2016- ՊՊԾ գնդի գրավում. Սարի թաղում նախորդ օրը ոստիկանության ու քաղաքացիների միջև տեղի ունեցած բախումից հետո հարուցվել է քրեական գործ:

2017-Լեռնային Ղարաբաղի նախագահ է վերընտրվել Բակո Սահակյանը: Երկու թեկնածուների միջև ձայները բաշխվել են 28-4 հարաբերակցությամբ:

2019- Դատավորները իրականացրել են  ԲԴԽ նախագահի ընտրություն։ Գաղտնի քվեարկությամբ նախագահ է դարձել Ռուբեն Վարդազարյանը։

ԱՇԽԱՐՀՈՒՄ

3228 մ.թ.ա.- ծնվել է հինդուիզմի աստվածներից մեկը համարվող, Վիշնու աստծո ութերորդ ավատար Կրիշնա-Ջանմաշտամը:

711– Գվադալետեի մոտ տեղի ունեցած ճակատամարտում արաբները հաղթանակ են տոնել վեստգոթերի նկատմամբ և դրանով սկսվել է Պիրենեյան թերակղզու գրավումը արաբական խալիֆայության կողմից, խալիֆության օկուպացիան տևել է շուրջ 800 տարի:

810- ծնվել է արաբ քարոզիչ, մուսուլմանական սուրբ գրքերը կազմող իմամ ալ-Բուխարին:

1374- վախճանվել է իտալացի բանաստեղծ Ֆրանչեսկո Պետրարկան: 

1551-Կարլսբուրգյան պայմանագրով հաստատվել է Գաբսբուրգների իրավունքը Հունգարիայի և Տրաանսիլվանիայի նկատմամբ:

 1553 -9 օր կառավարած անգլիայի թագուհի Ջեյն Գրեյը գահընկեց է արվել, նոր թագուհի է թագադրվել Մարիա Թյուդորը: 

1650 –թուրք դեսպան Օսման-աղան Չիգիրինում ռազմական դաշինք է կնքել Բոգդան Խմելնիցկու հետ:

1695-Մեծ Բրիտանիայում հրատարակվող և ժողովրդականություն վայելող  «Ինչպես բարելավել տնտեսությունը և առևտուրը» ամսագրում հայտնվել է առաջին ամուսնական հայտարարությունը:

1696 –Ազովի թուրքական կայազորի անձնատուր լինելուց հետո Պետորս 1-ինը գրավել է այն:

1789 –այն ժամանակ դեռևս քիչ հայտնի պատգամավոր Ռոբեսպիեռը ելույթ է ունեցել պաշտպանելով հեղափոխականներին:

1814 –Անգլիացի ծովագնաց Ֆլայնդերզը իր գրքում առաջին անգամ Կանաչ մայրցամաքը անվանել է Ավստրալիա (գրքի հրապարակումից 24 ժամ անց նա վախճանվել է):

1814 –ծնվել է ամերիկացի կոնստրուկտոր և արդյունաբերող, հրազգային զենքի արտադրության ընկերության ստեղծող  Սեմյուել Կոլտը:

1834– ծնվել է ֆրանսիացի հռչակավոր գեղանկարիչ, գրաֆիկ, քանդակագործ Էդգար Դեգան:

1870-Սուրբ աթոռը դոգմա է հրապարակել պապի անսխալության վերաբերյալ:

-սկսվել է ֆրանսա-պրուսական պատերազմը:

1893– ծնվել է ռուս հայտնի գրող, բանաստեղծ, դրամատուրգ Վլադիմիր Մայակովսկին:

1900 - բացվել է Փարիզի մետրոպոլիտենը:

1908 –Լոնդոնի Սուրբ Պետրոսի տաճարում եպիսկոպոսը օրհնելով օլիմպիական խաղերը ասել է. «Կարևորը ոչ թե հաղթանակն է, այլ մասնակցությունը»:

1918 —ուժի մեջ է մտել ՌՍՖՍՀ-ի առաջին սահմանադրությունը:

1924 —լույս է տեսել  «Կարմիր սպորտ» թերթի առաջին համարը ( հետագայում «Սովետական սպորտ»):

1926 –Եկատերինսլավը վերանվանվել է Դնեպրոպետրովսկի:

1938 –ծնվել է խորհրդային և վրացական դերասան, երգիչ, սցենարիստ, ռեժիսյոր, երգերի հեղինակ Վախթանգ Կիկաբիձեն: 

1941-Ստալինը նշանակվել է ԽՍՀՄ-ի պաշտպանության ժողկոմիսար:

1943 –Ուինստոն Չերչիլը ներկայացրել է այսբերգները որպես լողացող օդանավակայաններ օգտագործելու պլանը:

1949– Լաոսը անկախացել է Ֆրանսիայից:

1963 –Ինդոնեզիան հայտարարել է, որ Հնդկական օվկիանոսը վերանվանում է Ինդոնեզիական օվկիանոսի: 

1980 –Մոսկվայում տեղի է ունեցել 22-րդ օլիմպիական խաղերի բացումը:

1996 – ԱՄՆ-ի Ջորջիա նահանգի Ատլանտա քաղաքում մեկնարկել են 26-րդ ամառային օլիմպիական խաղերը:

2003 –տեղի է ունեցել լեզվի առաջին հաջողված փոխպատվաստումը:

Կ.Խաչիկյան