«Ֆրանսիական» համբույրը ծերության դեմ պայքարի հիանալի միջոց է. 16 հետաքրքիր փաստ համբույրների մասին

Համբուրվելիս մարդու սրտի զարկերն արագանում են՝ հասնելով մինչև րոպեում 100 զարկի: Սա, սակայն, համբույրների միակ ազդեցությունը չի մարդու օրգանիզմի վրա: Aif.ru-ն ներկայացրել է 16 հետաքրքիր փաստ համբույրների մասին:

1. Ամեն տարի հուլիսի 6-ին ամբողջ աշխարհում նշվում է Համբույրի Համաշխարհային Օրը: Այս տոնն առաջին անգամ նշվել է Մեծ Բրիտանիայում 19-րդ դարի վերջին, երբ որոշել են, որ համբույրը, լինելով սիրո դրսևորում, պետք է ունենա իր տոնը:

2. Մարդու շուրթերը 200 անգամ ավելի զգայուն են քան մատների ծայրերը:

3. Այտը համբուրելիս այրվում է 5 կկալ, իսկ «ֆրանսիական» համբույրի դեպքում՝ 26:

4. Համբույրի մարաթոնի ժամանակ իտալացի սիրահար զույգի համբույրը տևել է 31 ժամ 18 րոպե և 33 վայրկյան: Նրանք ստիպված են եղել ընդհատել այն տղամարդու ինքնազագողության վատացման պատճառով:

5. Մարդկանց 66%-ը նախընտրում է համբուրվելիս փակել աչքերը:

6. Համբույրը կարգավորում է բերանի խոռոչի թթվայնությունը: Ամեն անգամ ուտելուց հետո համբուրվելը կնվազեցնի կարիեսի առաջացման վտանգը:

7. Համբույրը դանդաղեցնում է սթրեսային նյութերի ձևավորումը, որոնք հանգեցնում են զարկերակային ճնշման բարձրացման, մկանային ապաճի (ատրոֆիա) , խոչընդոտում են հյուսվածքների ռեգեներացիային, օրգանիզմում ինսուլինի առաջացմանն ու վնասում գլխուղեղի բջիջները:

8. Համբույրը նպաստում է սրտամկանի աշխատանքին (րոպեում 110 կծկում տղամարդկանց մոտ և 108՝ կանաց): Համբուրվողները սովարականի նման րոպեում 20 անգամ շնչելու փոխարեն, շնչում են 60 անգամ: Արդյունքում ակտիվանում է արյան հոսքը, բարելավվում է թթվածնի մատակարարումը օրգաններին ու հյուսվածքներին, ինչը բարենպաստ ազդեցություն է ունենում ոչ միայն սրտանոթային համակարգի, այլ նաև թոքերի, ստամոքսի, աղիների և միզապարկի աշխատանքի վրա:

9. Համբույրը նաև օգտակար է էնդոկրին համակարգի համար: Շուրթերի ներքին հատվածի լորձաթաղանթի նյարդային վերջավորությունների գրգռումը նպաստում է մակերիկամների ու ենթաստամոքսային գեղձի աշխատանքին: Այդ օրգանները խթանում են սեփական հորմոնների արտադրությունը, որոնք, իրենց հերթին, նպաստում են գլխուղեղի կողմից հատուկ հորմոնների՝ նեյրոպեպտիդների առաջացմանը: Այս հորմոնի ազդեցության շնորհիվ սիրահարները մոռանում են իրենց մտահոգությունների մասին և իրենց ավելի երջանիկ են զգում:

10. Համբուրվելիս մարդն աշխատեցնում է դեմքի 29 մկան, ինչն արագացնում է արյան շրջանառությունը, սնուցում է դեմքի հյուսվածքները, տոնուս է հաղորդում մաշկին և հարթում մանր կնճիռները: Այսպիսով՝ «ֆրանսիական» համբույրը կարելի է համարել ծերության դեմ պայքարի հիանալի միջոց:

11. Միջինում մարդն իր կյանքի ընթացքում համբուրվելու վրա վատնում է 2 շաբաթ:

12. Համբուրվելիս մարդիկ միմյանց փոխանցում են 278 տեսակի բակտերիա, որոնց 95%-ն անվնաս են:

13. Հիվանդները, ում պարբերաբար համբուրում են բարեկամներն ու սիրելիները, ավելի արագ են ապաքինվում:

14. Մարդյանց 50%-ն առաջին անգամ համբուրվում է 14 տարին դեռ չբոլորած:

15. Եվրոպացիները միջինում օրվա ընթացքում համբուրվում են 7 անգամ. երիտասարդները՝ մոտ 12 անգամ, երկար ժամանակ միասին ապրող ամուսիններն ու 50 տարեկանից բարձր անձիք՝ 2 անգամ: 12%-ն ընդհանրապես չի կարողանում հիշել, թե երբ է վերջին անգամ համբուրվել:

16. Սիրելի մարդու հետ համբուրվելը խոչընդոտում է սթրես ու անհանգստություն առաջացնող հորմոնների՝ գլյուկոկորտիկոիդների առաջացմանը: Գիտնականները պարզել են, որ 20 վակրկայն տևողությամբ երեք համբույրը կարող է ամբողջ օրվա ընթացքում ապահովել բարձր տրամադրություն ու ճնշել սթրեսի հորմոնները, որոնք հանգեցնում են ճնշմաի բարձրացման ու անքնության: