Վատ լուր՝ Temu-ից, Shein-ից և AliExpress-ից գնումներ անողների համար

Եվրոպական միությունը պաշտոնական որոշմամբ հարված է հասցնում չինական հանրահայտ առցանց հարթակներին և մտադիր է արմատապես սահմանափակել արտասահմանյան էժան մանրածախ առևտրականների կողմից իրականացվող անարդար մրցակցությունը՝ չեղարկելով նախկինում գործող այն արտոնությունը, որով մոտ 163 դոլարից 150 քիչ արժեք ունեցող գնումներն ամբողջությամբ ազատված էին մաքսատուրքերից:

Այս մասին հաղորդում է DW-ն՝ հավելելով, որ այսուհետ ներմուծման տուրքերը կգանձվեն առանց բացառության բոլոր տեսակի ցածր արժեք ունեցող ապրանքների համար, քանի որ առանց տուրքի համակարգի պատճառով նմանատիպ էժան գնումների թիվը եվրոպական շուկայում կրիտիկականորեն աճել էր՝ 2022 թվականի 1.4 միլիարդից 2025 թվականին հասնելով աստղաբաշխական 5.8 միլիարդ ծանրոցի, ինչը լրջագույն հարված էր հասցնում ԵՄ տեղական արտադրողներին ու բիզնեսներին:

Եվրոպական հանձնաժողովը շեշտում է, որ այս կոշտ միջոցառումը նպատակ ունի նաև կանգնեցնել այնպիսի ապրանքների հոսքը, որոնց որակն ու անվտանգությունը չեն համապատասխանում եվրոպական խիստ չափանիշներին. 2025 թվականին ԵՄ-ում անցկացված լայնածավալ աուդիտը պարզել է, որ ներմուծված չինական ապրանքների ավելի քան 60%-ը, այդ թվում՝ մանկական խաղալիքները, կոսմետիկան և էլեկտրոնիկան, պարունակում էին առողջության համար վտանգավոր ու արգելված բաղադրիչներ կամ ընդհանրապես չունեին համապատասխանության սերտիֆիկատներ:

Ըստ նոր կանոնակարգի՝ ներմուծված ապրանքների յուրաքանչյուր առանձին կատեգորիայի համար այսուհետ կգանձվի մոտ 3.25 դոլարի չափով հաստատագրված վճար, ինչը նշանակում է, որ եթե օգտատիրոջ մեկ ծանրոցը պարունակի երեք տարբեր կատեգորիաների ապրանքներ (օրինակ՝ հագուստ, կոսմետիկա և տեխնիկա), ապա գնորդը ստիպված կլինի վճարել լրացուցիչ մոտ 9.75 դոլար, մինչդեռ նույն կատեգորիայի մի քանի ապրանքների դեպքում հավելավճարը կկազմի ընդամենը 3.25 դոլար, ինչն էականորեն կթանկացնի սիրված հարթակներից կատարվող գնումները։