«Հակալիք». ինչո՞ւ Քոչարյանին չթույլատրվեց լքել Հայաստանը

Հունիսի 14-ին երկրից դուրս գալուն խոչընդոտված ՀՀ նախկին նախագահ Ռոբերտ Քոչարյանին առնչվող միջադեպը կարող է կապված լինել խորհրդարանական ընտրությունների արդյունքները Սահմանադրական դատարանում վիճարկելու ընդդիմության ծրագրերի հետ։ Նման կարծիք է rtvi.com-ի եթերում հայտնել  քաղաքագետ Հրանտ Միքայելյանը։

Նա հիշեցրել է, որ վարչապետ Նիկոլ Փաշինյանը կոչ է արել ազատազրկել Քոչարյանին։ «Ես վստահ չեմ, որ Փաշինյանը մտադիր է իրականում իրականացնել բոլոր սպառնալիքները, որոնք նա հիմա հնչեցնում է։ Դա ևս չի կարելի բացառել, բայց, ամենայն հավանականությամբ, նա պարզապես սրում է իրավիճակը որպեսի ընդդիմությանը թույլ չտա վիճարկել ընտրությունների արդյունքները», - ասել է Միքայելյանը։

Ընդդիմությունը պնդում է, որ ընտրությունների արդյունքները մեծ մասամբ ապահովվել են վարչական ռեսուրսներով, իսկ կառավարությունը մեղադրում է ընդդիմությանը ընտրակաշառքի մեջ, նշել է քաղաքագետը։ Հետևաբար, Փաշինյանը «հակակալիք» է ստեղծում ընդդիմության գործողություններին հակազդելու համար։ Հիշեցնենք, որ հունիսի 14-ի երեկոյան Քոչարյանը հայտարարել էր, որ  երեք օրով անձնական այցով մեկնում է Հայաստանից։ «Հաշվի առնելով իշխանությունների կողմից վերջերս տարածվող ստերը ընդդիմության ներկայացուցիչների այցելությունների վերաբերյալ, մենք անհրաժեշտ ենք համարում պաշտպանել հանրությանը կառավարության կողմից սպասվող ստերից», - ասված  էր նրա հայտարարության մեջ։ Իսկ ժամեր անց Ռոբերտ Քոչարյանը հայտարարել էր, որ Երևանի «Զվարթնոց» օդանավակայանի անվտանգության ուժերը կանխել են իր Հայաստանից ելքը։

Նյութը հրապարակման պատրաստեց Կամո Խաչիկյանը

www.1or.am