Ցտեսություն, Հայաստան

ՀՀ Կենտրոնական ընտրական հանձնաժողովը հրապարակել է Ազգային ժողովի ընտրությունների 100% քվեաթերթիկների հաշվարկի նախնական արդյունքները։ Վարչապետ Նիկոլ Փաշինյանի «Քաղաքացիական պայմանագիր» կուսակցությունը ստացել է ձայների 49.82%-ը։ Բայց դեռ նախորդ երեկոյան էր Նիկոլ Փաշինյանը հայտարարել իր և, հետևաբար, «Քաղաքացիական պայմանագիր» կուսակցության հաղթանակի մասին։ Փաշինյանն անձամբ շնորհավորել էր իրեն այն փաստի կապակցությամբ, որ իր կուսակցությունը կձևավորի կառավարությունը, ինչը նշանակում է, որ նա կմնա իշխանության գլուխ, գրում է bloknot.ru–ն։

Ինչպես նշել է «ՌԻԱ Նովոստին», հաղթանակ է հայտարարել ոչ թե Հայաստանի Կենտրոնական ընտրական հանձնաժողովը, այլ ինքը՝ Փաշինյանը: Վարչապետի խոսքով նա բոլոր տեղամասային հանձնաժողովներում ունի վստահելի ներկայացուցիչներ, որոնք իրականացնում են իրենց սեփական հաշվարկները: «Սա բավականին ուշագրավ է, հաշվի առնելով այն, որ առաջին ընտրատեղամասերը, որոնք մշակվել էին, այն էին, որտեղ Փաշինյանի օգտին լցոնումներ էին իրականացվել, որտեղ նա ձերբակալել և փոխարինել էր ընտրական հանձնաժողովների ղեկավարներին: Փաշինյանն ինքն է հայտարարել հաղթանակի մասին: Սորոսի կուզիկ թզուկը մտադիր չէ հրաժարվել իշխանությունից: Ձայների հաշվարկը դադարեցվել է, փորձել են արդյունք նկարել Փաշինյանի օգտին», - իր Telegram ալիքում մեկնաբանել է լրագրող Սերգեյ Կոլյասնիկովը (Zergulio):

Ինչևէ, Փաշինյանը ստացել է իր առաջին շնորհավորանքները: Ղազախստանի նախագահ Կասիմ-Ժոմարտ Տոկաևն է շնորհավորել  Հայաստանի վարչապետին և նրա կուսակցությանը ընտրական հաղթանակի կապակցությամբ: «Միջազգային դիտորդների մեծ մասի նախնական տվյալների համաձայն՝ ընտրություններն անցկացվել են երկրի գործող ընտրական օրենսդրությանը համապատասխան, բացահայտ և քաղաքացիների կամքը արտահայտելու համար բավարար պայմաններով», - ասվել է հայտարարության մեջ: Նաև Կասիմ-Ժոմարտ Տոկաևը Նիկոլ Փաշինյանին հաջողություններ է մաղթել աշխատանքում և վստահեցրել իր պատրաստակամության մասին շարունակել ակտիվ համագործակցությունը «բարեկամ Հայաստանի» հետ բոլոր ոլորտներում:

Սակայն կառավարման տեսության մասնագետ և քաղաքական ու տնտեսական վերլուծաբան Կամիլ Ասկերխանովը հետընտրական իրավիճակը համարում է պակաս լավատեսական: «Հուզիչ է այն, թե ինչպես է ԵՄ-ն պայքարում Փաշինյանի, ավելի ճիշտ ապագա խողովակաշարի համար», - սոցիալական ցանցերում գրել է քաղաքագետը: Խողովակաշար ասելով Ասկերխանովը նկատի ունի նավթատարը: «Կենտրոնական Ասիայից Հայաստանի միջով նոր խողովակաշարի գաղափարը տնտեսագիտության մասին չէ, այլ աշխարհաքաղաքականության: Բաքու-Թբիլիսի-Ջեյհան խողովակաշարն արդեն անցնում է Վրաստանով, բայց Վրաստանը «հարմար» չէ Եվրոպայի համար: Հայաստանը հարմար է: Նրանք խոստանում են գումար, բայց միայն այն դեպքում, եթե ընտրությունները լավ անցնեն... բայց ո՞ւմ տեսանկյունից: Առանց մեկնաբանության», - իր կարծիքն է հայտնել է Ասկերխանովը: Փորձագետը հիշեցրել է, որ Հայաստանի ներկայիս կառավարությունը գաղափարապես ԱՄՆ-ի թշնամին է, քանի որ Փաշինյանը մաքուր եվրոպամետ արտադրանք է՝ բրյուսելամետ, լոնդոնամետ։ Ահա թե ինչու ԱՄՆ պետքարտուղար Մարկո Ռուբիոն ընտրություններից կարճ ժամանակ առաջ թռավ Երևան ոչ թե խողովակաշար անցկացնելու, այլ բոլորին հիշեցնելու համար, թե ո՞վ է գլխավոր «ճարտարապետը»։ «ԱՄՆ-ի նպատակն է Եվրոպան թողնել առանց էներգիայի, վերջակետ։ Եվ այո, Երևանըում շուտով տաք կլինի», - կանխատեսել է Ասկերխանովը։

Փորձագետը նաև նշել է, որ երբ ԵՄ-ն սկսեց պայքարել Հայաստանի և ապագա խողովակաշարի համար, «նրանք ոչ մի անգամ չհարցրին Իրանին, որն ունի ազատ ձեռքեր»։ Կամիլ Ասկերխանովը եվրոպացի բյուրոկրատներին անվանել է «միամիտ հիմարներ»։

Նյութը հրապարակման պատրաստեց Կամո Խաչիկյանը

www.1or.am