Պատրաստում ենք կակաչի սերմով շերտը: Սպիտակուցներն ու դեղնուցներն առանձնացնում ենք և սպիտակուցները հարում, մինչև պինդ փրփուրի վերածվելը: Ընթացքում աստիճանաբար ավելացնում ենք շաքարավազը և հարում այնքան, մինչև ստանանք համասեռ զանգված: Հետո ավելացնում ենք դեղնուցներն ու հարիչի ամենաթույլ արագությամբ թեթևակի խառնում (կարող ենք դեղնուցները հատ հատ լցնել ու խառնել ձեռքի հարիչով): Լցնում ենք ալյուրն ու գդալով խառնում այնքան, մինչև ստացվի համասեռ խմոր: Հետո արդեն լցնում ենք կակաչի սերմերը: Եթե սերմերը խոշոր են, բլենդերով մանրացնում ենք, խառնում ենք, և խմորն արդեն պատրաստ է: 24 սմ տրամագծով ձևամանի մեջ յուղաթուղթ ենք փռում և խմորը լցնում մեջը: Դնում ենք 180 աստիճան տաքացրած ջեռոցի մեջ և թխում մինչև պատրաստ լինելը: Պատրաստ լինելը ստուգում ենք չոփիկով և հետևում, որ խմորը շատ չչորանա: Բիսկվիթը սրբիչով փաթաթելու կարիք չկա, քանի որ սառելուց հետո էլ փափուկ է մնում:
Պատրաստում ենք կրեմը: Բոլոր բաղադրիչները հարիչով հարում ենք այնքան, մինչև ստանանք համասեռ զանգված, ավելացնում ենք 400 գր մասկարպոնեն և լավ հարում ենք: Զանգվածը մի քիչ խտանում է:
Այժմ սկսում ենք հավաքել: Բիսկվիթի վրա կրեմ ենք քսում, շարում բալի կոմպոտի հատիկներ:
Փաթաթում ենք:
Վրան շաքարի փոշի ենք ցանում ու տեղափոխում սառնարան: Կրեմը սառնարանում մի քիչ պնդանում է, բայց միևնույնն է, փափուկ է մնում:
