ԱՄՆ-ն բանակցություններում Իրանին հինգ հիմնական պայման է ներկայացրել. Fars

Իրանական Fars գործակալության տեղեկություններով՝ Իրանի առաջարկներին ԱՄՆ-ի պատասխանում նշվել են Վաշինգտոնի հինգ հիմնական պայմանները։

Մասնավորապես, իրանական գործակալության տվյալներով, Վաշինգտոնի պայմաններով՝

▪️ Միացյալ Նահանգները Իրանին որևէ փոխհատուցում և վնասի հատուցում չեն վճարելու։

▪️ Իրանը պետք է դուրս բերի և ԱՄՆ-ին փոխանցի 400 կիլոգրամ ուրան։

▪️ Իրանի բոլոր միջուկային օբյեկտներից կարող է շարունակել աշխատանքը միայն մեկ համալիր։

▪️ ԱՄՆ-ը պատրաստ չէ ապասառեցնել նույնիսկ սառեցված իրանական ակտիվների 25 տոկոսը։

▪️ Բոլոր ուղղություններով պատերազմի դադարեցումը կախված կլինի բանակցությունների շարունակությունից։

Հաղորդագրության մեջ ընդգծվում է, որ նույնիսկ այս պայմանների կատարման դեպքում, հեղինակների կարծիքով, ԱՄՆ-ի և Իսրայելի կողմից ռազմական գործողությունների սպառնալիքը կպահպանվի։

Գործակալության զրուցակից փորձագետները կարծում են, որ ամերիկյան առաջարկն ուղղված է ոչ թե ճգնաժամի կարգավորմանը, այլ այն նպատակների իրականացմանը, որոնց Վաշինգտոնը չկարողացավ հասնել պատերազմի ընթացքում։

Իր հերթին Իրանը հայտարարել է, որ պատրաստ է բանակցությունների միայն վստահությունը վերականգնելու կոչված հինգ նախնական պայմանների կատարման դեպքում՝

▪️ Պատերազմի լիակատար դադարեցում բոլոր ճակատներում, հատկապես Լիբանանում։

▪️ Հակաիրանական պատժամիջոցների չեղարկում։

▪️ Արտերկրում արգելափակված իրանական միջոցների ապասառեցում և վերադարձ։

▪️ Պատերազմի պատճառած վնասի փոխհատուցում։

▪️ Իրանի ինքնիշխան իրավունքների ճանաչում Հորմուզի նեղուցի նկատմամբ։