Վաշինգտոնը պահանջում է Անդրկովկասի լիակատար վերակողմնորոշում դեպի Արևմուտք. «Վրաստանը ներառյալ»

«Թրամփի ուղին դեպի միջազգային խաղաղություն և բարգավաճում» ամերիկյան ծրագիրը պետք է տարածվի ոչ միայն Հայաստանի և Ադրբեջանի, այլ նաև Վրաստանի վրա։ Այդ մասին հայտարարել է Ամերիկյան արտաքին քաղաքականության խորհրդի ավագ փոխնախագահ Իլան Բերմանը ԱՄՆ Հելսինկյան հանձնաժողովի լսումների ժամանակ, գրում է politnavigator.news-ը:

«Ամբողջ Հարավային Կովկասի համատեքստում ԱՄՆ վարչակազմը անցյալ օգոստոսին իսկապես ռազմավարական կարևոր քայլ կատարեց, երբ Հայաստանի և Ադրբեջանի առաջնորդներին բերեց բանակցությունների սեղանի շուրջ և հասավ ոչ միայն հարաբերությունների կարգավորմանը… այլ նաև առևտրային, ներդրումային և տրանսպորտային-լոգիստիկ միջանցքի միաժամանակյա ստեղծմանը, որը մենք անվանում ենք «Թրամփի ուղին դեպի խաղաղություն և բարգավաճում։ Անհրաժեշտ է լրացուցիչ քայլեր ձեռնարկել ներդրումները մեծացնելու և սահմանային սահմանափակումները վերացնելու համար։ Օրինակ Վրաստանի և Ադրբեջանի միջև, ինչը այս միջանցքին ավելի մեծ նշանակություն կտար տարածաշրջանում։ Սա կարևոր է, քանի որ «Թրամփի ուղին դեպի խաղաղություն և բարգավաճում» միջանցքը միաժամանակ զրկում է Իրանին և Ռուսաստանին, որոնք շատ կարևոր դեր են խաղում տարածաշրջանի աշխարհաքաղաքականության մեջ, առավելություններից», - պնդել է Բերմանը։

«Մենք այժմ փնտրում ենք միջոց տարածաշրջանը Ռուսաստանի և Իրանի վերահսկողությունից ազատելու և այն դեպի Եվրոպա և Արևմուտք վերաուղղորդելու համար։ Եվ ես կարծում եմ, որ այդ քայլերը պետք է խրախուսվեն, այդ թվում Վրաստանի հետ կապված», - հավելել է ամերիկացին։

Նյութը հրապարակման պատրաստեց Կամո Խաչիկյանը

www.1or.am