Հակամարտությունը կարող է լուծվել միայն միջազգային իրավունքի լիարժեք կիրառմամբ․ Մեդվեդեւ

Չպետք է սպասել, որ Մերձավոր Արևելքի հակամարտությունը կավարտվի մոտ ապագայում, ասել է Ռուսաստանի Անվտանգության խորհրդի փոխնախագահ, ՌԴ նախկին նախագահ Դմիտրի Մեդվեդեւը։

«Քաոսը փող է բերում։ Հսկայական թվով երկրներ և հսկայական թվով ուժեր հետաքրքրված են այս հակամարտության երկարաձգմամբ», - ասել է Մեդվեդեւը՝ «Գիտելիք. Առաջինները» մարաթոնի ժամանակ պատասխանելով Մերձավոր Արևելքում տիրող իրավիճակի մասին հարցին։

Նա նշել է, որ հակամարտությունը բնականաբար կավարտվի վաղ թե ուշ՝ «որոշակի պայմաններում», բայց վեճի աղբյուրը կմնա։ Ըստ նախկին նախագահի՝ դա պայմանավորված է նրանով, որ «այն այսպես կոչված հայտնի գործարքի նման մեթոդներով լուծելն անհնար է»։

«Հակամարտությունը կարող է լուծվել միայն միջազգային իրավունքի լիարժեք կիրառմամբ», - նշել է Անվտանգության խորհրդի փոխնախագահը։

Նա բացատրել է, որ նկատի ունի «բոլոր բանաձևերը, օրինակ՝ պաղեստինա-իսրայելական կարգավորման վերաբերյալ, որոնք ՄԱԿ-ը ընդունել է 1947 թվականից ի վեր, և եղել են բազմաթիվ հետագա բանաձևեր։ «Սա է այն, ինչի վրա պետք է հիմնված լինի բանակցային գործընթացը։ Եվ հաշվի առնելով, որ մեծ թվով ուժեր հետաքրքրված չեն վերջնական հաշտեցման հասնելու հարցում, ես կարծում եմ, որ, ցավոք, ընդգծում եմ՝ ցավոք, իհարկե, Մերձավոր Արևելքում հակամարտությունները չեն վերանա առաջիկա տասնամյակներում։ Մենք պետք է գիտակցենք դա», - ասաց Մեդվեդեւը։