ԱՄՆ-ը Իրանի հետ չի կնքի իր և աշխարհի համար ոչ շահավետ գործարք. Սպիտակ տուն
ՔԱՂԱՔԱԿԱՆՈՒԹՅՈՒՆ
ԱՄՆ-ը Իրանի հետ չի կնքի այնպիսի համաձայնագիր, որը շահավետ չի լինի Վաշինգտոնի և ողջ աշխարհի համար։ Այս մասին The New York Times թերթին հայտնել է Սպիտակ տան մամուլի քարտուղարի տեղակալ Օլիվիա Ուելսը, հաղորդում է ՏԱՍՍ-ը:
«ԱՄՆ-ը բանակցություններ չի վարի լրատվամիջոցների միջոցով. մենք հստակ նշել ենք մեր կարմիր գծերը, և նախագահ Թրամփը կկնքի միայն այնպիսի գործարք, որը շահավետ կլինի ամերիկացիների և ողջ աշխարհի համար»,- ասված է NYT-ին ուղղված նրա հայտարարության մեջ։
Ինչպես նշում է հրատարակությունը, ամերիկյան իշխանությունները եկել են այն եզրակացության, որ իրանցի բանակցողները լիազորված չեն զիջումների գնալ միջուկային ծրագրի հարցում ո՛չ գերագույն առաջնորդ Մոջթաբա Խամենեիի, ո՛չ էլ ԻՀՊԿ ղեկավարության կողմից։ Նրանք նշում են, որ առանց ռազմական գործողությունների շարունակման քիչ հիմքեր կան ենթադրելու, որ Թեհրանի բանակցային դիրքորոշումը կփոխվի։ Սակայն նույնիսկ ռմբակոծությունների շարունակումը, ըստ պաշտոնյաների, չի երաշխավորում, որ իրանական կողմի որոշումների կայացման գործընթացը կփոխվի, գրում է NYT-ը։
Ամերիկյան լրատվամիջոցները նախկինում հայտնել էին, որ Թրամփը դժվար թե ընդունի բանակցությունները վերսկսելու Իրանի առաջարկը, քանի որ այդ պլանում բացակայում են Թեհրանի միջուկային ծրագրի հարցի կարգավորման դրույթները։
